ახალი ამბები
საპოლიციო ძალების გაყვანა და ბარიკადების აღება - ხეობის მცველები პირობების შესრულებას ელოდებიან
FaceBook
მოძრაობა "რიონის ხეობის გადარჩენისთვის" ლიდერები  მიმდინარე კვირის ბოლომდე ელოდებიან ხეობიდან ბარიკადების აღებასა და საპოლიციო ძალების გაყვანას.

12 ივნისს
, ევროკავშირის წარმომდგენელთა ჩართულობით გამართულ შეხვედრაზე ჰესის მოწინააღმდეგეებმა მოითხოვეს:  ხეობა დატოვოს საპოლიციო ძალებმა; მოიხსნას რკინის ბარიკადები და გაათავისუფლონ დაკავებული აქტივისტები. ამ პირობების შესასრულებლად ხელისუფლებას დრო 18 ივნისამდე მიეცა. ხეობის მცველების თქმით, პირობების შესრულებაზეა დამოკიდებული გაგრძელდება თუ არა დიალოგი.

ვარლამ გოლეთიანი ამბობს, რომ მხარეებს შორის გამართული 9 საათიანი შეხვედრა საკმაოდ დაძაბული იყო.  

"თუ ჩვენი მოთხოვნები იქნება დაკმაყოფილებული ამის შემდეგ ისევ შევიკრიბებით და განვიხილავთ თუ რატომ არ უნდა აშენდეს ჰესი, რა თქმა უნდა, ექსპერტების ჩართვით'',- განმარტავს ვარლამ გოლეთიანი.

მისი თქმით, შეხვედრის დიდი ნაწილი დაეთმო ხეობაში საპოლიციო რეპრესიებს და მოძრაობის მხარდამჭერების დევნის და უკანონო დაკავების შემთხვევებს. 

"ველოდებით ამ პირობების შესრულებას, თუ ეს პირობები არ შესრულდა გამოდის თვითონ ხელისუფლება ეუბნება უარს ევროკავშირის ენერგეტიკული გაერთიანების წარმომადგენლებს, რომლებიც თავად მოიწვიეს ამ პროცესში დავის გადასაწყვეტად'', - აღნიშნავს ხეობის ერთ-ერთი მცველი ვარლამ გოლეთიანი.  

ვარლამ გოლეთიანის თქმით, რიონის ხეობაში ნამახვანჰესის მშენებლობის სამუშაო პროცესი გაჩერებულია.

რიონის ხეობის მცველების, მთავრობის და ევროკავშირის წარმომადგენლების შეხვედრას  ხეობაში ჰესების მშენებელი კომპანია "ენკას"  წარმომადგენლებიც უნდა დასწრებოდნენ, თუმცა ისინი შეხვედრაზე არ მივიდნენ. 

რიონის ხეობაში მედიაციის პარალელურად პროტესტი არ წყდება. 14 ივნისს აქტივისტებმა 231-ე ღამე გაათენეს კარვებში.

ხეობის მცველები ითხოვენ:

შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;

კომპანიამ დატოვოს რიონის ხეობა;

გაუქმდეს ნამახვანჰესის მშენებლობის ნებართვა

გადადგეს ეკონომიკის მინისტრი ნათია თურნავა.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
Print E-mail
FaceBook Twitter



მსგავსი სიახლეები
21 სექტემბრის მონაცემებით სულ ჩატარებულია 1 671 295 აცრა
12:15 / 21.09.2021
21 სექტემბრის მონაცემებით სულ ჩატარებულია 1 671 295 აცრა
საქართველოში ვაქცინაციის მსურველთა რაოდენობამ დაიკლო.
12:00 / 21.09.2021
საქართველოში ვაქცინაციის მსურველთა რაოდენობამ დაიკლო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.