ახალი ამბები
ნამახვანჰესის მშენებლობის მოწინააღმდეგეები დღეს აქცია-მსვლელობას გამართავენ
FaceBook
ნამახვანჰესის მშენებლობის მოწინააღმდგეები, დღეს აქცია-მსვლელობას გამართავენ.
რიონის ხეობის მცველები, აქტივისტებთან ერთად 14:00 საათზე სოფელი გუმათიდან მსვლელობით ქუთაისისკენ კომპანია ,,ენკას'' ოფისის მიმართულებით დაიძვრებიან.

მოძრაობა ,,რიონის ხეობის გადარჩენისთვის'' ლიდერი ვარლამ გოლეთიანი მოსახლეობას მოუწოდებს შეუერთდნენ მსვლელობას.

''ჩვენ კიდევ ერთხელ გავაჟღერებთ ჩვენს მოთხოვნებს, აქცია იქნება მშვიდობიანი '',- განმარტავს ვარლამ გოლეთიანი.

გოლეთიანის განმარტებით, აქციის მონაწილეები ასევე, გადაინაცვლებენ ქუთაისის საქალაქო სასამართლოსთან, სადაც 8 დაკავებული ადამიანის შესახებ სასამართლომ საბოლოო გადაწყვეტილება უნდა გამოაცხადოს.

ვარლამ გოლეთიანის თქმით, მას სამართლიანი გადაწყვეტილების იმედი აქვთ.

რიონის ხეობის მცველებმა 6 ივნისს  პროტესტის 223-ე ღამე გაათენეს კარვებში.

ხეობის მცველები ითხოვენ:

შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;

კომპანიამ დატოვოს რიონის ხეობა;

გაუქმდეს ნამახვანჰესის მშენებლობის ნებართვა

გადადგეს ეკონომიკის მინისტრი ნათია თურნავა.

რიონის ხეობის მცხოვრებლები უკვე 223 - ე დღეა უწყვეტად აპროტესტებენ ხეობაში ნამახვანჰესის მშენებლობას. მათი თქმით, გარდა იმისა, რომ ჰესი დააზიანებს ეკოსისტემას, ხელისუფლებამ მშენებელ კომპანიასთან დადებული ხელშეკრულებით სახელმწიფო ინტერესები დათმო.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
Print E-mail
FaceBook Twitter
მსგავსი სიახლეები
მარიუპოლში რუსმა დამპყრობლებმა
მარიუპოლის N65 საშუალო სკოლა გახსნეს.
16:07 / 28.05.2022
მარიუპოლში რუსმა დამპყრობლებმა მარიუპოლის N65 საშუალო სკოლა გახსნეს.
უკრაინამ და რუსეთმა სამხედრო
დანაკარგების შესახებ ინფორმაცია განაახლეს.
14:07 / 28.05.2022
უკრაინამ და რუსეთმა სამხედრო დანაკარგების შესახებ ინფორმაცია განაახლეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.