ახალი ამბები
„დავიქირავეთ აუდიტი“ –  ვარლამ გოლეთიანი მოძრაობის დაფინანსებაზე
FaceBook
მოძრაობამ "რიონის ხეობის გადარჩენისთვის" კერძო აუდიტი დაიქირავა, რომელიც მათ ფინანსებს შეისწავლის.
ამის შესახებ ნამახვანჰესის საწინააღმდეგო აქციების ორგანიზატორმა ვარლამ გოლეთიანმა განაცხადა. მისი თქმით, მოძრაობას, ძირითადად, ემიგრანტები ეხმარებიან, თუმცა, რადგან არსებობს  მოთხოვნა მათი ფინანსების გასაჯაროებასთან დაკავშირებით, მათ მიიღეს გადაწყვეტილება, რომ ინფორმაცია გამოაქვეყნონ.

ვარლამ გოლეთიანმა, ასევე თქვა, რომ სამართლიანი იქნება თუ ის პერსონები და ორგანიზაციებიც, რომლებიც ითხოვენ ხეობის მცველების ხარჯების გამჭვირვალობას, თავადაც გაასაჯაროონ ინფორმაცია თავიანთი ფინანსების შესახებ.

"ჩვენი ემიგრაცია არის ჩართული არ პროცესებში და დაფინანსება ძირითადად,  მოდის მათგან.  ჩვენი საზოგადოებაც აქტიურ მონაწილეობას იღებს ამ ბრძოლაში.  რომ არ დარჩეს ფინანსების საკითხი  სპეკულაციის საგნად, დავიქირავეთ აუდიტი, როლიც ამ ხარჯებს დააბალანსებს და შემდეგ გამოქვეყნდება ჩვენს ფეისბუქ გვერდზე. შესაბამისად, ყველა კითხვას, რაც ამ პროცესებთან დაკავშირებით არსებობს, გაეცემა პასუხი გამჭვირვალედ.
ასევე, გამოვედით ინიციატივით, რომ რადგან ჩვენს დაფინანსებაზე ატყდა ასეთი ამბავი და უკავშირებენ სხვადასხვა ძალებს, ყველა იმ პერსონამ, მათ შორის მედიასაშუალებებმა, პოლიტიკურმა პარტიებმა,  ვინც გარკვეული დაფინანსებით არსებობს, გაასაჯაროოს თითოეულმა მათგანმა თავიანთი შემოსავალი.  როცა ჩვენი მისამართით კეთდება მსგავსი მოთხოვნა,  ვფიქრობ,  სამართლიანი იქნება, რომ ყველა ერთად მოვექცეთ საერთო წესის ქვეშ", – განაცხადა ვარლამ გოლეთიანმა.

რიონის ხეობაში მესამე დღეა ვითარება დაძაბულია. დღეს აქტივისტებმა პროტესტი ისევ რკინის ბარიკადებზე ბრახუნით გამოხატეს. 27 მაისის ღამეს კი, ხეობის მცველებმა ხეობაში შესვლა სცადეს, რისი საშუალებაც მათ პოლიციამ არ მისცა, რასაც დაპირისპირება და რვა აქტივისტის დაკავება მოჰყვა.

ხეობის მცველები ითხოვენ:

შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;

კომპანიამ დატოვოს რიონის ხეობა;

გაუქმდეს ის განკარგულება, რომლითაც "ენკას" კონკრეტული ქონება გადაეცა რიონის ხეობაში;

გაუქმდეს ნამახვანჰესის მშენებლობის ნებართვა და გადადგეს ეკონომიკის მინისტრი ნათია თურნავა.


რიონის ხეობის მცხოვრებლები უკვე 214 დღეა უწყვეტად აპროტესტებენ ხეობაში ნამახვანჰესის მშენებლობას. მათი თქმით, გარდა იმისა, რომ ჰესი დააზიანებს ეკოსისტემას, ხელისუფლებამ მშენებელ კომპანიასთან დადებული ხელშეკრულებით სახელმწიფო ინტერესები დათმო.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
Print E-mail
FaceBook Twitter
მსგავსი სიახლეები
რუსეთი იტყუება, როდესაც უკრაინას მოლაპარაკებებზე უარის თქმაში
ადანაშაულებს,
11:47 / 29.05.2022
რუსეთი იტყუება, როდესაც უკრაინას მოლაპარაკებებზე უარის თქმაში ადანაშაულებს,
აგრესორი ქვეყნის, რუსეთის ფედერაციის პრეზიდენტს არ ესმის, რომ
უკრაინელებს არ სურთ რუსული სამყაროს ნაწილი იყვნენ, სწორედ ამან
შეუშალა მას ხელი, სწორედ შეეფასებინა უკრაინა თავდასხმამდე,
09:34 / 29.05.2022
აგრესორი ქვეყნის, რუსეთის ფედერაციის პრეზიდენტს არ ესმის, რომ უკრაინელებს არ სურთ რუსული სამყაროს ნაწილი იყვნენ, სწორედ ამან შეუშალა მას ხელი, სწორედ შეეფასებინა უკრაინა თავდასხმამდე,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.