ახალი ამბები
პოლიციამ სოფელ ნამოხვანისკენ გადაადგილება შეზღუდა
FaceBook
რიონის ხეობაში,  სოფელ გუმათჰესთან აღმართული ჯებირების იქით გადაადგილება ჟურნალისტებისთვის და აქტივისტებითვის აკრძალულია.
ე.წ. ბლოგ საგუშაგოსთან მყოფი პოლიციელები მხოლოდ ადგილობრივებს, ისიც შემოწმების შემდეგ ატარებენ. 

რიონის ხეობის მცველების თქმით, დღეს მოძრობა იმის გამო შეზღუდს, რომ  კომპანია "ენკა" მთის აფეთქებას გეგმავს. 

ადგილზე  ამ დრომდე რჩებიან აქტივისტები, რომლებიც ამბობენ, რომ დილით, გამთენიისას კომპანიის ორმა მანქანამ გაიარა. 

"დილით, მაშინ როცა შედარებით  ცოტანი  ვიყავით  შეძლეს  გასვლა. რამდენადაც მივხვდით საწვავის მანქანები იყო", - ამბობს ნამახვანჰესის  ერთ-ერთი მოწინააღმდეგე დავით ყურაშვილი. 

მოძრაობა “რიონის ხეობის გადარჩენისთვის”  ლიდერები უკვე მესამე დღეა სოფელ გუმათის შესასვლელში  კომპანია "ენკას" სასწყობე ოფისთან  გზა აქვთ გადაკეტილი. ისინი ტერიტორიაზე კომპანიის ტექნიკას არ უშვებენ. 

რიონის ხეობაში ორი დღეა ხმაური და დაძაბულობაა. ვითარება მას შემდეგ დაიძაბა, რაც  ხეობის მცველები თბილისში ოთხდღიანი აქციიდან,  26 მაისს,  პროტესტის თავდაპირველ ადგილზე კოლონებით დაბრუნდნენ.

ხეობაში  დაბრუნებულებს გუმათჰესთან რკინის ჯებირები და პოლიციის კორდონი დახვდათ.

ნამახვანჰესის წინააღმდეგ პროტესტმა რიონის ხეობიდან დედაქალაქში მოლაპარაკებების ორჯერ ჩაშლის და მათი მოთხოვნების დაუკმაყოფილებლობის შემდეგ გადაინაცვლა.

24 მაისს აქციის მონაწილეებს შეხვედრა შესთავაზა პარლამენტის თავმჯდომარე, კახა კუჭავა, თუმცა, შეხვერა არ შედგა.

ხეობის მცველები ითხოვენ:

შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;

კომპანიამ დატოვოს რიონის ხეობა;

გაუქმდეს ის განკარგულება, რომლითაც "ენკას" კონკრეტული ქონება გადაეცა რიონის ხეობაში;

გაუქმდეს ნამახვანჰესის მშენებლობის ნებართვა და გადადგეს ეკონომიკის მინისტრი ნათია თურნავა.

რიონის ხეობის მცხოვრებლები უკვე 213 დღეა უწყვეტად აპროტესტებენ ხეობაში ნამახვანჰესის მშენებლობას. მათი თქმით, გარდა იმისა, რომ ჰესი დააზიანებს ეკოსისტემას, ხელისუფლებამ მშენებელ კომპანიასთან დადებული ხელშეკრულებით სახელმწიფო ინტერესები დათმო.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.


ამავე თემაზე:


Print E-mail
FaceBook Twitter
მსგავსი სიახლეები
მარიუპოლში რუსმა დამპყრობლებმა
მარიუპოლის N65 საშუალო სკოლა გახსნეს.
16:07 / 28.05.2022
მარიუპოლში რუსმა დამპყრობლებმა მარიუპოლის N65 საშუალო სკოლა გახსნეს.
უკრაინამ და რუსეთმა სამხედრო
დანაკარგების შესახებ ინფორმაცია განაახლეს.
14:07 / 28.05.2022
უკრაინამ და რუსეთმა სამხედრო დანაკარგების შესახებ ინფორმაცია განაახლეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.