ახალი ამბები
ქუთაისის მერის მოადგილის ბიზნესპარტნიორის კომპანია მსხვილბიუჯეტიან ტენდერებს იგებს - TI
FaceBook
ქუთაისის მერის მოადგილის, იუზა უგულავას ბიზნესპარტნიორის კომპანია ქუთაისის მერიის მიერ გამოცხადებულ ტენდერებს იგებს.

ამავე დროს, თავად იუზა უგულავაა იმ სატენდერო კომისიის ხელმძღვანელი, რომელიც ელექტრონულ შესყიდვებს აცხადებს - ამის შესახებ  "საერთაშორისო გამჭვირვალობა - საქართველო" თავის კვლევაში წერს. მერის მოადგილის ბიზნესინტერესების მონიტორინგის დროს, არასამთავრობო ორგანიზაციამ დაადგინა, რომ 2019-2021 წლებში მერიის მიერ აუქციონის გარეშე გამოცხადებულ 5 ელექტრონულ ტენდერში იუზა უგულავას ბიზნესპარტნიორმა, შპს "ლიკო-1"-მა გაიმარჯვა. აღნიშნულ ტენდერში გაფორმებული ხელშეკრულების ღირებულებამ კი 294 545 ლარი შეადგინა.

2019 წლიდან მიმდინარე პერიოდამდე, იუზა უგულავას ბიზნესპარტნიორმა ქუთაისის მერიის მიერ გამოცხადებული ხუთი ტენდერი მოიგო. მათ შორის, ქუთაისის სკვერებისთვის ძელსკამების დამზადება-მონტაჟის შესყიდვა.

კვლევის მიხედვით, მერის მოადგილის ბიზნესპარტნიორის კომპანიამ  114 220 ლარის ტენდერი  მოიგო 2019 წელს, 16 000 ლარის ტენდერი კი 2020 წელს. 2021 წლის 5 მარტს კი კომპანიასთან 164 325 ლარიანი ხელშეკრულება გაფორმდა. ხუთი ტენდერიდან ოთხ შემთხვევაში შპს "ლიკო-1"-ს კონკურენტი არ ჰყოლია.

მოქმედი კანონმდებლობის თანახმად, იუზა უგულავა ვალდებული იყო, განეცხადებინა ინტერესთა კონფლიქტის არსებობის შესახებ (რადგანაც ტენდერში მონაწილე კომპანიის წილის მფლობელი და დირექტორი მისი ბიზნესპარტნიორია) და შეეწყვიტა აღნიშნული შესყიდვების განხილვის პროცესში მონაწილეობა.

"საერთაშორისო გამჭვირვალობა - საქართველოს"  შეფასებით, ტენდერებში შპს "ლიკო-1"-ის გამარჯვება და ზემოთ მოყვანილი გარემოებები წარმოშობს ეჭვს პროცესის გამჭვირვალობასთან და შემსყიდველი ორგანიზაციების მიუკერძოებელ მიდგომასთან დაკავშირებით. მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლონ ქუთაისის მერიის ტენდერებში შპს "ლიკო-1"-ის გამარჯვების კანონიერების საკითხი.


ქუთაისის მერიაში არასამთავრობო ორგანიზაციის კვლევის შედეგებზე კომენტარს მოგვიანებით გააკეთებენ.
Print E-mail
FaceBook Twitter



მსგავსი სიახლეები
12:51 / 18.09.2021
"არა ნაცებს, არა ბოროტებას, არა ღალატს" - ამ წარწერებით ბანერი ქუთაისშიც გამოჩნდა.
18 სექტემბრის მონაცემებით სულ ჩატარებულია 1 629 582 აცრა.
12:26 / 18.09.2021
18 სექტემბრის მონაცემებით სულ ჩატარებულია 1 629 582 აცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.