ახალი ამბები
ქუთაისის ტურისტული ლოგოსა და სლოგანის შერჩევის უფლება ნებისმიერ მოქალაქეს აქვს
FaceBook
მერიაში კონკურსანტებმა ქალაქის ტურისტული სლოგანის 85, ხოლო ლოგოს 27 ვერსია წარადგინეს.



ქუთაისის მერიაში კონკურსანტების მიერ წარდგენილი ტურისტული სლოგანისა და ლოგოს ნამუშევრების შერჩევაში მონაწილეობის შესაძლებლობა საზოგადოების ნებისმიერ წარმომადგენელს აქვს.

ქალაქის ტურისტული სლოგანისა და ლოგოს არჩევაში მოქალაქეების ჩართულობის მიზნით, კონკურსანტების მიერ წარდგენილი ნამუშევრები კომისიის გადაწყვეტილებით საჯარო გახდა.

ქუთაისის ლოგოსა და სლოგანის კატეგორიაში კონკურსანტების ნამუშევრები ქუთაისის მერიის ოფიციალურ ვებ-გვერდზე - kutaisi.gov.ge-ზეა განთავსებული.

როგორც ქუთაისის მერიის ეკონომიკური განვითარებისა და ქონების მართვის სამსახურის უფროსი პაატა კლდიაშვილი განმარტავს, მერიის ოფიციალურ ვებ-გვერდზე, კონკურსების კატეგორიაში ნებისმიერ მოქალაქეს შეუძლია შევიდეს და ხმა მისცეს მისთვის მოსაწონ ვარიანტს.

"მოქალაქემ თითოეულ ნამუშევარი შეუძლია შეაფასოს და ხმა მისცეს სასურველ ვერსიას, ხოლო იმ შემთხვევაში თუ არცერთი არ მოსწონს ესეც უნდა დააფიქსიროს," - ამბობს პაატა კლდიაშვილი.

მისივე ინფორმაციით, ხმის მიცემის პროცესი შაბათს 18 საათზე დასრულდება, ხოლო რეიტინგის დათვლის შემდეგ, საზოგადოების მიერ შერჩეული ლოგოსა და სლოგანის ვერსიები კომისიას გადაეგზავნება.

მეორე ეტაპზე, საუკეთესო ლოგოსა და სლოგანის ავტორს მერიაში სპეციალურად შექმნილი კომისია გამოავლენს.
კომისია საბოლოო გადაწყვეტილებას თვის ბოლომდე მიიღებს.

ქუთაისის მერიამ ქალაქის  ტურისტული ლოგოსა და სლოგანის შესარჩევად პირველად კონკურსი მიმდინარე წლის ივლისში გამოაცხადა. საკონკურსო კომისიამ გამარჯვებული ლოგო გამოავლინა. თუმცა, ის საზოგადოებაში აზრთა სხვადასხვაობის გამო ქალაქის მერმა არ დაამტკიცა.

ქალაქის ტურისტული ლოგოსა და სლოგანის შესარჩევად ქუთაისის მერიაში კონკურსი მეორედ მიმდინარე წლის 15 ოქტომბერს გამოცხადდა.
კონკურსანტების შექმნილი ნამუშევრების შეტანა ქუთაისის მერიაში მიმდინარე წლის 9 ნოემბრამდე მიმდინარეობდა.

ქუთაისის მერიაში კონკურსანტებმა ქალაქის ტურისტული სლოგანის 85, ხოლო ლოგოს 27 ვერსია წარადგინეს.

მერიის მიერ ხელმეორედ გამოცხადებულ საკონკურსო პირობებში ცვლილებების თანახმად, გაორმაგდა კონკურსში გამარჯვებული მონაწილისთვის თანხის ოდენობა, რომელიც 900 ლარიდან 1500 ლარამდე გაიზარდა.

ასევე, საჯარო გახდა კონკურსანტების მიერ წარდგენილი ნამუშევრები.

Print E-mail
FaceBook Twitter
მსგავსი სიახლეები
ზესტაფონში, ''ჯეოჰოსპიტალის''
კლინიკის ბაზაზე, სამედიცინო პერსონალი უფასო კვლევებს
ჩაატრებს.
14:04 / 10.07.2020

ზესტაფონში, ''ჯეოჰოსპიტალის'' კლინიკის ბაზაზე, სამედიცინო პერსონალი უფასო კვლევებს ჩაატრებს.

სამტრედიაში, მდინარე რიონში მაშველები 72 წლის
მამაკაცს ეძებენ.
12:08 / 10.07.2020
სამტრედიაში, მდინარე რიონში მაშველები 72 წლის მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.