ახალი ამბები
ნამახვანჰესის მოწინააღმდეგეები წყალტუბოს სასამართლოსთან აქციას გამართავენ
FaceBook
28 აპრილს, წყალტუბოში, რიონის ხეობის მცველებმა საპროტესტო აქცია დაგეგმეს.

ორგანიზატორის, ვარლამ გოლეთიანის თქმით, აქცია მაგისტრატი სასამართლოს შენობასთან 12 საათზე, "ენკას" წინააღმდეგ  შეტანილი სარჩელის განხილვის პარალელურად დაიწყება. ეს უკვე მესამე პროცესია, რომელიც ამ საქმეზე დაინიშნა, თუმცა, წინა ორ პროცესს ჰესის მშენებელი კომპანიის წარმომადგენლები არ დასწრებიან.

​წყალტუბოს მაგისტრატ სასამართლოს, "ენკას" მიმართ შედგენილი ადმინისტრაციული სამართალდარღვევის ოქმი, გარემოსდაცვითი ზედამხედველობის დეპარტამენტმა გადაუგზავნა. დეპარტამენტის თანამშრომლებმა   ინსპექტირების შედეგად  დაადგინეს, რომ  კომპანიას არ აქვს შესრულებული გარემოსდაცვითი გადაწყვეტილებით განსაზღვრული 15 პირობა.

28 აპრილს წყალტუბოს მაგისტრატმა სასამართლომ აღნიშნულ საქმეზე გადაწყვეტილება უნდა გამოაცხადოს.


წყალტუბოში დაგეგმილი აქცია ერთ-ერთია იმ საპროტესტო აქტივობებს შორის, რასაც მოძრაობა "რიონის ხეობის გადარჩენისთვის" 23 მაისამდე გეგმავს. პროტესტის ორგანიზატორების თქმით, 23 მაისს დედაქალაქში დაგეგმილ შეკრებამდე, საქართველოს სხვადასხვა ქალაქში შედარებით მცირე მასშტაბის აქციები გაიმართება.

რიონის ხეობის მცველებმა ხელისუფლებასთან შეთანხმებას ვერ მიაღწიეს. 15 აპრილს, სამხარეო ადმინისტრაციაში გამართული შეხვედრა მხარეებს შორის დიალოგის დაწყების მეორე მცდელობა იყო, თუმცა, უშედეგოდ დასრულდა. მას შემდეგ, რაც ხელისუფლებამ უარი თქვა აქტივისტების მთავარი მოთხოვნის - ხეობაში ჰესის მოსამზადებელი სამუშაოების შეჩერების დაკმაყოფილებაზე, ხეობის მცველებმა დიალოგი ჩაშლილად გამოაცხადეს და კვლავ პროტესტის გზა აირჩიეს.
Print E-mail
FaceBook Twitter



მსგავსი სიახლეები
ქუთაისში, სამუშაოს მაძიებელ შეზღუდული
შესაძლებლობის მქონე პირებს  22 საშუალო და მსხვილი კომპანია
დასაქმებას სთავაზობს.
15:11 / 14.06.2021
ქუთაისში, სამუშაოს მაძიებელ შეზღუდული შესაძლებლობის მქონე პირებს  22 საშუალო და მსხვილი კომპანია დასაქმებას სთავაზობს.
ეკონომიკის მინისტრის ნათია თურნავას განმარტებით, რიონის ხეობა,
სადაც პროტესტი 231 დღეა გრძელდება, ნორმალურ ცხოვრებას უნდა
დაუბრუნდეს.
15:06 / 14.06.2021
ეკონომიკის მინისტრის ნათია თურნავას განმარტებით, რიონის ხეობა, სადაც პროტესტი 231 დღეა გრძელდება, ნორმალურ ცხოვრებას უნდა დაუბრუნდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.