ქუთაისიპოსტი

ქუთაისის განათლების რესურსცენტრის ინფორმაციით, ქუთაისში 2231 მოსწავლეა გადასული დისტანციურ სწავლებაზე.
Ჰიბრიდული სწავლების ფორმას იყენებს 45 კლასი.

Ბოლო მონაცემებით არ დახურულა არც ერთი სკოლა. ქუთაისის 38-ივე საჯარო სკოლას საკლასო ოთახებში აქვს განახლებული სასწავლო პროცესი.

რაც შეეხება სკოლამდელი აღზრდის დაწესებულებას, ქუთაისის ბაგა-ბაღების გაერთიანების ინფორმაციით, დაიხურა ორი ბაღი (32-ე და 35-ე ), სადაც  პედაგოგებს კორონავირუსი აღმოაჩნდათ.

გაერთიანებაში ამბობენ, რომ ბაღის პედაგოგებს ტესტირება ყოველ შაბათ-კვირას უტარდებათ. 

ქუთაისში 38 საჯარო, ათი კერძო სკოლა და 37 საბავშვო ბაღია.

დისტანციური სწავლების, სურვილის შემთხვევაში, მშობელს შეუძლია, დაარეგისტრიროს შვილი online.emis.ge-ზე ან მივიდეს სკოლაში და მიმართოს განაცხადებით სკოლის ადმინისტრაციას.

ონლაინ სწავლებაზე განაცხადის შევსება-რეგისტრაციის გაუქმება შესაძლებელია ყოველ ოთხშაბათს 00:00–23:59 საათის შუალედში. სწორედ ამ დროს იქნება ღია საიტზე სარეგისტრაციო ველი.