ახალი ამბები
ხვალიდან კი, შესაძლოა მთელი ქვეყნის მასშტაბით გამოსვლები დაიწყონ.
რიონის ხეობის მცველები სხვადასხვა ქალაქის დაკეტვას აანონსებენ
16:40 / 14.04.2021
რიონის ხეობის მცველი ვარლამ გოლეთიანი ქუთაისში მიმდინარე აქციის მონაწილეებს მოუწოდეს, დღევანდელი დღე პროტესტის ადგილას გაათიონ.
ხვალიდან კი, შესაძლოა მთელი ქვეყნის მასშტაბით გამოსვლები დაიწყონ.
"ეს არის ყველაზე მნიშვნელოვანი.
ხვალინდელ დღეს, უკვე ჩვენ შევძლებთ გამოვაცხადოთ საქართველოს
სხვადასხვა ქალაქში მოქალაქეების გამოსვლა და ბლოკირება მთელი
ქვეყნის, თუ არ იქნება შესმენილი ჩვენი ნება. ჩვენ შეგვიძლია დავკეტოთ
ყველა ქალაქი, ყველამ გამოვიდეთ, ჩვენი სიმრავლით ვუთხრათ
ხელისუფლებას, იყავი ჩვენი მსახური და თუ შენ არ მოემსახურები ქართველ
ხალხს, ჩვენი ერის სულისკვეთება გაგტეხავს წელში,”
- ამბობს ვარლამ გოლეთიანი, რომელიც ცოტა ხსნის ქუთაისის
ცენტრში რიონის ხეობის გადარჩენისთვის” სოლიდარობის აქციას
შეუერთდა.
გოლეთიანმა შეკრებილ მოქალაქეებს
პროტესტის მშვიდობიან ფორმით გამოხატვისკენ მოუწოდა.
"გუშინ საპოლიციო ძალები სასტიკად
გაგვისწორდა, ჩვენ ერთი წუთითაც არ შეგვპარვია ეჭვი, რომ მივიღებდით
ამ სურათს, რაც ახლა ქუთაისის ცენტრშია. ჩვენი შეკრება ყოველთვის
იწყება მოწოდებით, მშვიდობიანად უნდა ვეცადოთ გადავწყვიტოთ ეს
პრობლემა. მშვიდობიანმა ქმედებამ მოგვიყვანა ამ დღემდე,”
- ამბობს გოლეთიანი.
ხეობის მცველების მხარდამჭერთა
სოლიდარობის მსვლელობა ქუთაისიდან გუმათში უნდა გამართულიყო, თუმცა
პოლიციამ გზები გადაკეტა.
დილის შემდეგ რიონის ხეობაში
სიტუაცია რამდენჯერმე დაიძაბა. დილის 7 საათზე პოლიციამ გუმათჰესთან
რკინის ჯებირები აღმართა.
13 აპრილს ხეობის მცველები
პროტესტის 171-ე ღამის გათენებას კომპანია "ენკას" ოფისთან
გეგმავდნენ. თუმცა, მას შემდეგ რაც კომპანიის მანქანები არ გაატარეს,
ისინი სამართალდამცველებმა დაარბიეს და 6 ადამიანი
დააკავეს.
ხეობაში 3 აპრილიდან შეიზღუდა
გადაადგილება სოფელ ნამოხვანის მიმართულებით, რის გამოც გუმათჰესთან
პოლიციამ ე.წ. ბლოგ საგუშაგო მოაწყო.
11 აპრილს სამართალდამცავებმა
ხეობის მცველებს კარვები დაუშალა.
13 აპრილს პოლიციამ აქტივისტების
დაარბია და 6 ადამიანი დააკავა.
14 აპრილს ბარიკადები აღმართეს და
პროტესტის "ხმაურით" გამოხატვა აკრძალეს.
რიონის ხეობაში 433 მგვტ.
სიმძლავრის ჰესს კომპანია "ენკა" აშენებს. მთავრობასა და ინვესტორს
შორის გაფორმებული ხელშეკრულება უკვე შეისწავლეს სპეციალისტებმა და
მას საქართველოს ინტერესების საზიანო უწოდეს.
გარდა ხელისუფლების მიერ აღებული
კოლოსალური ფინანსური ვალდებულებებისა, ექსპერტები საუბრობენ ჰესის
ნეგატიურ შედეგებზე. მათი თქმით, ჰესი სრულად შეცვლის ხეობის
მიკროკლიმატსა და ბიომრავალფეროვნებას, კაშხლის დაზიანების
შემთხვევაში კი 34 მეტრიანი ტალღა 19 წუთში გადაუვლის ხეობას და
მიაღწევს ქუთაისამდე.
მსგავსი სიახლეები
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები