ახალი ამბები
პოლიციამ გუმათში მისასვლელი გზა გადაკეტა - მსვლელობა ვერ შედგა
FaceBook
მანქანებით მსვლელობა, რომელიც ქუთაისიდან რიონის ხეობაში უნდა გამართულიყო,  გზების გადაკეტვის გამო ვერ შედგა.

გუმათში პოლიციის მანქანების უპრეცედენტო რაოდენობაა მობილიზებული, რის გამოც ხეობაში შესვლა შეუძლებელია.


მანქანების კოლონა ქუთაისიდან  გუმათში ხეობის  მცველების მხარდასაჭერად უნდა დაძრულიყო და აქციას უნდა შეერთებოდნენ, თუმცა, იმის გამო რომ  გზა გადაკეტეს, საპროტესტო აქცია ქუთაისში გაიმართება.

მანქანებს  გუმათიდან არც ქუთასის  მიმართულებით ატარებენ, რის გამოც მოქალაქეები ქუთაისში ფეხით  მიემართებიან.

ცენტრალურ მოედანზე უკვე არიან შეკრებულები საპროტესტო აქციის მონაწილეები.

საპროტესტო აქცია- მსვლელობა მას შემდეგ დაიგეგმა რაც , 13 აპრილს პოლიციამ მშვიდობიანი აქცია დაარბია და აქტივისტები დააკავა.

ხეობის მცველები პროტესტის 171-ე ღამის გათენებას კომპანია "ენკას" ოფისთან გეგმავდნენ. თუმცა, მას შემდეგ რაც კომპანიის მანქანები არ გაატარეს, ისინი სამართალდამცველებმა დაარბიეს და  6 ადამიანი დააკავეს.

ხეობაში 3 აპრილიდან შეიზღუდა გადაადგილება სოფელ ნამოხვანის მიმართულებით, რის გამოც გუმათჰესთან პოლიციამ ე.წ. ბლოგ საგუშაგო მოაწყო.

11 აპრილს სამართალდამცავებმა ხეობის მცველებს კარვები დაუშალა.

13 აპრილს პოლიციამ აქტივისტების   დაარბია და  6 ადამიანი დააკავა.

14 აპრილს ბარიკადები აღმართეს  და პროტესტის "ხმაურით" გამოხატვა აკრძალეს.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.

Print E-mail
FaceBook Twitter



მსგავსი სიახლეები
ქუთაისში, ჭავჭავაძის გამზირზე დაწყებულ ფიზიკურ დაპირისპირებას
სროლა მოჰყვა.
21:36 / 15.06.2021

ქუთაისში, ჭავჭავაძის გამზირზე დაწყებულ ფიზიკურ დაპირისპირებას სროლა მოჰყვა.

Რიონის ხეობაში, გუმათჰესთან
კარვები სამართალდამცველებმაც გაშალეს.
17:44 / 15.06.2021
Რიონის ხეობაში, გუმათჰესთან კარვები სამართალდამცველებმაც გაშალეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.