ახალი ამბები
ვარლამ გოლეთიანი ამბობს, რომ პრემიერ-მინისტრი ირაკლი ღარიბაშვილი უნდა იყოს პირადად ამ პროცესებში ჩართული და პასუხებიც მისგან უნდა მიიღონ.
ხეობის მცველები ირაკლი ღარიბაშვილთან შეხვედრას ითხოვენ
13:30 / 13.04.2021
მოძრაობა "რიონის ხეობის გადარჩენისთვის"
აქტივისტები და ხეობის მცველები პრემიერ-მინისტრთან შეხვედრას
ითხოვენ.
ვარლამ გოლეთიანი ამბობს, რომ პრემიერ-მინისტრი ირაკლი ღარიბაშვილი უნდა იყოს პირადად ამ პროცესებში ჩართული და პასუხებიც მისგან უნდა მიიღონ.
"ბატონი პრემიერი უნდა ჩართულიყო პირადად ამ
საკითხებში და მასთან უნდა ყოფილიყო შემდგომი განხილვა, როგორც
გადაწყვეტილების მიმღებთან. რადგან ნათია თურნავა ვერ იღებს
გადაწყვეტილებას და იმ შეხვედრიდანაც (არშემდგარი შეხვედრა მერიაში) იმიტომ გაიპარა,
რომ კონკრეტული რაღაცეების თქმა არ შეეძლო. ამიტომაც გვინდა
პრემიერთან შეხვედრა", - ამბობს ხეობის ერთ-ერთი მცველი.
ხეობის მცველები სოფელ ნამოხვანში
კარვების დაშლის შემდეგ პროტესტს სოფელ გუმათში აგრძელებენ. ისინი იმ
ადგილზე დგანან, რომლის იქითაც სამართალდამცველები არავის
უშევებენ.
სოფელ გუმათთან ტერიტორია პოლიციამ 3 აპრილიდან გადაკეტა და ე.წ. ბლოგ საგუშაგო მოაწყო.
სოფელ გუმათთან ტერიტორია პოლიციამ 3 აპრილიდან გადაკეტა და ე.წ. ბლოგ საგუშაგო მოაწყო.
ხეობის მცველები და მათი მხარდამჭერები დღესაც
ფართომასშტაბიან აქციას გეგმავენ და ამბობენ, რომ
კიდევ ერთხელ შეეცდებიან ე.წ. საზღვრის გადალახვას და პროტესტის
ადგილზე მისვლას.
სოფელ ნამოხვანში, სადაც ადგილობრივებმა
პროტესტის 168 ღამე გაატარეს, 11 აპრილს პოლიციამ
მცველების ნების საწინააღმდეგოდ კარვები აიღო, ხოლო ტერიტორია
მძიმე ტექნიკით გადახნა. შინაგან საქმეთა
სამინისტროში მიზეზად მდინარე რიონის ადიდება და ადგილობრივების
"უსაფრთხოება" დაასახელა.
ხეობაში ვითარება განსაკუთრებით 3 აპრილს
დაიძაბა. მაშინ როცა, ხეობაში ჰესების მშენებელი კომპანია
"ენკას" ახალი დირექტორი პოლიციასთან ერთად მივიდა. სწორედ, მას შემდეგ
განახლდა გიგანტური ჰესების სამშენებლო სამუშაოები. 3 აპრილიდან
განთავსდა ე.წ. პოლიციის ბლოგ საგუშაგო სოფელ გუმათთან, სადაც არავის
უშვებენ.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა ხელისუფლების მიერ აღებული კოლოსალური
ფინანსური ვალდებულებებისა, ექსპერტები საუბრობენ ჰესის ნეგატიურ
შედეგებზე. მათი თქმით, ჰესი სრულად შეცვლის ხეობის მიკროკლიმატსა და
ბიომრავალფეროვნებას, კაშხლის დაზიანების შემთხვევაში კი 34 მეტრიანი
ტალღა 19 წუთში გადაუვლის ხეობას და მიაღწევს ქუთაისამდე
მსგავსი სიახლეები
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები