ახალი ამბები
შსს რიონის ხეობის აქტივისტებს აფრთხილებს
16:35 / 12.04.2021
შინაგან საქმეთა სამინისტრო გუმათჰესთან
გამართულ აქციას ეხმაურება და განცხადებას
ავრცელებს.
უწყების ცნობით, სამართალდამცველები
უსაფრთხოების მიზნით არიან მობილიზებული და ძალადობის ფაქტებს არ
დაუშვებენ რიონის ხეობაში.
"უსაფრთხოების მიზნით, რიონის ხეობაში
მოქალაქეთა გადაადგილება გარკვეულ მიმართულებებზე დროებით იზღუდება
პოლიციის შესახებ საქართველოს კანონის 25-ე და 26-ე მუხლების
შესაბამისად.შინაგან საქმეთა სამინისტრო არ დაუშვებს რიონის ხეობაში
პროტესტი ძალადობრივი სცენარით განვითარდეს და მკაცრ რეაგირებას
მოახდენს სამართალდარღვევის ნებისმიერ ფაქტზე", - ნათქვამია
შსს-ის მიერ გავრცელებულ განცხადებაში.
პოლიცია მოუწოდებს მოქალაქეებს, არ გასცდნენ
გამოხატვის თავისუფლების კანონით დასაშვებ ფარგლებს და დაემორჩილონ
პოლიციის მოთხოვნებს.
სამართალდამცავებმა მათ სოფელ ნამოხვანში
გადაადგილების უფლება არ მისცა, რასაც პოლიციასა და ადგილობრივებს
შორის დაპირისპირება მოჰყვა.
"ნამახვანჰესის" მშენებლობის წინააღმდეგ სოფელ
ნამოხვანში კარვები 168 დღის განმავლობაში იყო გაშლილი, რომელიც
11 აპრილს პოლიციამ აიღო, ხოლო ტერიტორია გადახნა.
ხეობაში ვითარება 3 აპრილს მას შემდეგ
დაიძაბა, რაც "ენკას" ახალი დირექტორი პოლიციასთან ერთად მივიდა.
სწორედ მას შემდეგ განახლდა გიგანტური ჰესების სამშენებლო სამუშაოები.
3 აპრილიდან განთავსდა ე.წ. პოლიციის ბლოგ პოსტი სოფელ გუმათთან,
სადაც არავის უშვებენ.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა
ხელისუფლების მიერ აღებული კოლოსალური ფინანსური ვალდებულებებისა,
ექსპერტები საუბრობენ ჰესის ნეგატიურ შედეგებზე. მათი თქმით, ჰესი
სრულად შეცვლის ხეობის მიკროკლიმატსა და ბიომრავალფეროვნებას, კაშხლის
დაზიანების შემთხვევაში კი 34 მეტრიანი ტალღა 19 წუთში
გადაუვლის ხეობას და მიაღწევს ქუთაისამდე.
ამავე
თემაზე:
მსგავსი სიახლეები
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები