ახალი ამბები
"კარვების აღებით პროტესტს ვერ გააჩერებთ"
FaceBook
რიონის ხეობის "მცველები" იმერეთის სამხარეო პოლიციის ხელმძღვანელთან შეხვედრას ითხოვენ.
"ნამოხვანში პროტესტი  არ გაჩერდება.  კარვების აღებით პროტესტს  ვერ გააჩერებთ. შეგვხვდეს ის ვინც ეს ბრძანება გასცა. მოგვეცეს საშუალება  რომ ჩვენი ნივთები  მშვიდად და წყნარად სხვა ალტერნატიულ ადგილზე გადავიტანოთ. 

მოგვეცით  საშუალება, იმ თანამებრძოლებს გავესაუბროთ, რომლებიც თვეები კარვებში არიან. რატომ  იწვევთ ხალხს, რატომ იწვევთ პროვოკაციას. ხუთი შვილი მყავს და აქ ვარ ვდგავარ. აქ ვიდგები მთელი ცხოვრება, ვიდრე სიმართლეს არ მივაღწევთ. უნდა გესმოდეთ, რომ გუშინ დატრიალებული ტრაგედიის გადატანა და გადახარშვა უნდა გვაცადოთ. სირცხვილი თქვენ!",
- მიმართავენ ხეობის "მცველები" პოლიციელებს, რომლებიც გუმათში  არიან შეკრებილები.  

"ლოცვის მეტს და  ერთმანეთის გაფრთხილების მეტს არაფერს ვაკეთებდით. რა ალკოჰოლი, რას ამბობთ, მართლა ჩალით ხომ არ არის ეს ქვეყანა დახურული?!  ალკოჰოლი ჩაგვიდეთ ბიჭო! სირცვილი თქვენი"



ხეობის "მცველების" ნაწილი სოფელ გუმათში არიან შეკრებილები, ადგილზე სადაც პოლიციას "საგუგაშო" აქვს გახსნილი. სამართალდამცველები სოფელ  ნამოხვანში შესვლის უფლებას როგორც ადგილობრივებს, ასევე, არც ჟურნალისტებს არ აძლევენ.  

ცოტა ხნის წინ ნამოხვანში პოლიციამ  „რიონის ხეობის მცველთა“ კარვების დაშლა. ადგილობრივების თქმით,  პოლიცია ცდილობს შექმნას იმიტაცია, რომ კარვებში ალკოჰოლური სასმელები იქნა ნაპოვნი. 

რიონის ხეობაში მერე დღეა ხეობის ერთ-ერთ აქტივისტს, რომელიც მდინარეში გადახტა, ეძებენ. 

რიონის ხეობაში გადაადგილება შეზღუდულია 3 აპრილის შემდეგ. სოფელ გუმათში საპოლიციო ძალები აკონტროლებენ ხეობის შესასვლელს. ადგილობრივების ინფორმაციით, გზა გადაკეტილია რკინის ჯებირებით და პოლიციელები ამოწმებენ როგორც კერძო, მსუბუქ ავტომანქანებს, ასევე სამგზავრო მიკროავტობუსებს.

ასევე ადგილობრივების ინფორმაციით, სამართალდამცველები გადაადგილების საშუალებას არ აძლევენ იმ პირებს, რომლებიც შესაძლოა, ხეობის მცველ აქტივისტებს შეუერთდნენ.

„ნამახვანის ჰესების კასკადის“ მშენებლობის წინააღმდეგ სოფელ ნამოხვანში 168 დღეა კარვებია გაშლილი. აქტივისტებმა ერთი კვირის წინ, მას შემდეგ, რაც პოლიციამ ნამოხვანისკენ გადაადგილება შეზღუდა, კარავი გაშალეს სოფელ გუმათშიც. სოფელ ნამოხვანში ჰესის მშენებლობის მოსამზადებელი სამუშაოები 3 აპრილს, ხეობაში მშენებელი კომპანია „ენკას“ ახალი დირექტორის მერაბ ლომინაძის ჩასვლის შემდეგ განახლდა.


ამავე თემაზე:



Print E-mail
FaceBook Twitter



მსგავსი სიახლეები
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას
ახალგაზრდა ბიჭის სიცოცხლე ემსახვერპლა.
16:29 / 23.06.2021
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას ახალგაზრდა ბიჭის სიცოცხლე ემსახვერპლა.
გელათში არსებული ვითარების შესასწავლად იუნესკოს ექსპერტები
იმყოფებიან.
12:02 / 23.06.2021
გელათში არსებული ვითარების შესასწავლად იუნესკოს ექსპერტები იმყოფებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.