ახალი ამბები
"არ ვეთანხმებით ოქმს, რომელიც შედგა" - ადვოკატი რიონის ხეობის "მცველის" დაკავებაზე
FaceBook
რიონის ხეობაში დაკავებული აქტივისტის, ლაშა ქუთათელაძის ინტერესებს სასამართლოში "საია" დაიცავს.
არასამთავრობო ორგანიზაციის იურისტი სალომე სალდაძე უკვე გაეცნო დაკავების ოქმს და აცხადებს, რომ არ ეთანხმება. როგორც მან  ქუთაისიპოსტთან საუბარში განაცხადა, დაკავებულს გუმათთან საპოლიციო პოსტის გადაკვეთას ედავებიან, რაც სინამდვილეში  არ მომხდარა, რადგან დაწესებული შეზღუდვა არალეგიტიმურია.

"დაკავებული მიდიოდა ჩვეულებრივი სამგზავრო მიკროავტობუსით, რაც მას აკრძალული არ ჰქონდა. შესაბამისად, ჩვენ არ ვეთანხმებით ოქმს, რომელიც შედგა 173-ე მუხლის საფუძველზე და მივიჩნევთ, რომ დაკავებული უნდა გათავისუფლდეს", - განაცხადა სალომე სალდაძემ.

ადვოკატი ახლა დაკავებულის სასამართლო პროცესის გამართვის დროისა და ფორმატის შესახებ ელოდება ინფორმაციას. ჯერჯერობით უცნობია როგორ ჩატარდება პროცესი -  სხდომათა დარბაზში თუ დისტანციურ რეჟიმში.

ლაშა ქუთათელაძე პოლიციამ 9 აპრილს, იმ დროს დააკავა, როცა აქტივისტი სოფელ ნამოხვანში, კარვებში დაბრუნებას ცდილობდა. დაკავებულს  1000-დან 4000 ლარამდე ჯარიმა, ან 15 დღემდე ადმინისტრაციული პატიმრობა ემუქრება.

რიონის ხეობაში უკვე რვა დღეა საპოლიციო პოსტია მოწყობილი. გუმათჰესის ტერიტორიაზე უწყვეტ რეჟიმში არიან სამართალდამცავები მობილიზებული და რკინის ჯებირებით აქვთ ხეობა გაყოფილი.



ამავე თემაზე:


"არ არსებობს გადაადგილების შეზღუდვის აუცილებლობა" - რიონის ხეობაში სახალხო დამცველი ჩავიდა
Print E-mail
FaceBook Twitter



მსგავსი სიახლეები
ქუთაისში, ჭავჭავაძის გამზირზე დაწყებულ ფიზიკურ დაპირისპირებას
სროლა მოჰყვა.
21:36 / 15.06.2021

ქუთაისში, ჭავჭავაძის გამზირზე დაწყებულ ფიზიკურ დაპირისპირებას სროლა მოჰყვა.

Რიონის ხეობაში, გუმათჰესთან
კარვები სამართალდამცველებმაც გაშალეს.
17:44 / 15.06.2021
Რიონის ხეობაში, გუმათჰესთან კარვები სამართალდამცველებმაც გაშალეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.