ახალი ამბები
9 აპრილის ტრაგედიიდან 32 წელი შესრულდა
FaceBook
1989 წლის 9 აპრილის ტრაგედიიდან 32 წელი შესრულდა.

ამ დღეს, გამთენიისას, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა.

აქციებმა თბილისში პიკს 4 აპრილს მიაღწია. ამ დღეს მოეწყო ფართომასშტაბიანი დემონსტრაცია, მთავრობის სახლის წინ კი ეროვნულ-განმათავისუფლებელი მოძრაობის ლიდერებმა და აქციის სხვა მონაწილეებმა შიმშილობა დაიწყეს.

1989 წლის 7 აპრილს თბილისში შევიდა საგანგებო დანიშნულების მოტომსროლელთა დივიზიის მე-4 პოლკი, აგრეთვე, საგანგებო დანიშნულების მილიციის რაზმები პერმიდან და ვორონეჟიდან.

9 აპრილს, 11 საათზე კომენდანტის საათი თბილისში გამოცხადდა, მაგრამ ცნობა მოსახლეობას ტელევიზიით კომენდანტის საათის ამოქმედების შესახებ მხოლოდ 22 საათსა და 15 წუთზე მიეწოდა. ქალაქის სამხედრო კომენდანტად როდიონოვი დაინიშნა.

აქციის დარბევა დილის 4 საათზე დაიწყო. დარბევისას საბჭოთა კავშირის შეიარაღებული ძალების ნაწილებმა ქიმიური საშუალებები, სასანგრე ბარები, ცეცხლსასროლი იარაღი, ჯავშანმანქანები და ტანკები გამოიყენეს.

დარბევის შედეგად ათასობით მოქალაქე მოიწამლა.

1989 წლის 9 აპრილიდან 2 წლის შემდეგ, 1991 წლის 9 აპრილს, საქართველოს უზენაესმა საბჭომ საქართველოს სახელმწიფოებრივი დამოუკიდებლობა აღდგენილად გამოაცხადა.
Print E-mail
FaceBook Twitter
თეგები: #9 აპრილი



მსგავსი სიახლეები
რიონის ხეობაში 65 დღიანი შეზღუდვის შემდეგ რკინის ბარიკადების
შემდეგ,  ხეობის მცველებს თავდაპირველ ადგილზე პროტესტის
გასაგრძელებლად მთავრობამ 13 ადგილი შესთავაზა. თუმცა,
აქტივისტებისთვის ყველა მათგანი მიუღეებელი აღმოჩნდა. 
17:20 / 20.06.2021
რიონის ხეობაში 65 დღიანი შეზღუდვის შემდეგ რკინის ბარიკადების შემდეგ,  ხეობის მცველებს თავდაპირველ ადგილზე პროტესტის გასაგრძელებლად მთავრობამ 13 ადგილი შესთავაზა. თუმცა, აქტივისტებისთვის ყველა მათგანი მიუღეებელი აღმოჩნდა. 
ქუთაისში თეატრალური იმერეთი 2021 -ის ფარგლებში დღეს, 19 ივნისს
ხარაგაულის ოთარ აბაშიძის სახალხო თეატრი წარმოადგენს სპექტაკლს.
13:21 / 19.06.2021
ქუთაისში თეატრალური იმერეთი 2021 -ის ფარგლებში დღეს, 19 ივნისს ხარაგაულის ოთარ აბაშიძის სახალხო თეატრი წარმოადგენს სპექტაკლს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.