ახალი ამბები
"ასეთი განცხადებები აღრმავებს უფსკრულს" - ვარლამ გოლეთიანი პრემიერის განცხადებაზე
16:35 / 29.03.2021
ადგილობრივები ირაკლი ღარიბაშვილის განცხადებას შეურაცხმყოფელს
უწოდებენ და ამბობენ, რომ მსგავსი რიტორიკა აღრმავებს უფსკრულს
ხელისუფლებასა და ხალხს შორის.
პროტესტის ორგანიზატორი, ვარლამ გოლეთიანი
ამბობს, რომ როგორიც უნდა იყოს პირველი პირების პოზიციები, ხეობის
მოსახლეობა პროტესტს არ შეწყვეტს, რადგან მათ სხვა არჩევანი არ
აქვთ.
"ეს არის მიუღებელი რიტორიკა ჩვენთვის.
ასეთი განცხადებები აღრმავებს უფსკრულს ხელისუფლებასა და ხალხს შორის.
ის, რომ აგენტებს და ჰიბრიდული ომის მწარმოებლებს ჩვენ
გვეძახიან, არის სამარცხვინო. აშკარაა, რომ ხელისუფლება ამ
მნიშვნელოვანი პრობლემის გადაჭრას ცდილობს ლოზუნგებით, მაგრამ ჩვენ
ვერსად წავალთ, ვერ დავიშლებით და ამ პრობლემას ვერ შევატოვებთ ხელში,
იმიტომ, რომ ვხედავთ როგორც აპირებენ ამ საკითხის გადაწყვეტას და
რამდენად საგანგაშო განცხადებებს აკეთებენ. რამდენი ხანიც უნდა
მოგვიწიოს ყოფნა ამ მდგომარეობაში, ვიქნებით. ჩვენ არჩევანი არ გვაქვს
ამ თვალსაზრისით და ამას ძალიან მკაფიოდ ვაცნობიერებთ", -
ამბობს ვარლამ გოლეთიანი.
მასალის გამოყენების პირობები