ახალი ამბები
ქუთაისის საერთაშორისო უნივერსიტეტის მშენებლობაზე დასაქმებულებს ოთხი თვეა ხელფასი არ აუღიათ
15:58 / 29.03.2021
ქუთაისის საერთაშორისო უნივერსიტეტის
მშენებლობაზე დასაქმებულებმა კუთვნილი ხელფასის მოთხოვნით საპროტესტო
აქცია გამართეს.
ისინი ამბობენ, რომ უკვე ოთხი თვეა ხელფასი არ
აუღიათ.
"ამდენის მოთმენა აღარ შეგვიძლია, ვიდრე ხელფასს
არ მოგცემენ არ ვაპირებთ სამუშაოს გაგრძელებას", - აცხადებენ
დამქირავებელი კომპანიის ადმინისტრაციასთან შეკრებილები.
ქუთაისის ტექნოლოგიური უნივერსიტეტის სამშენებლო
სამუშაოებს კომპანიები "დ ტ ინჟინერინგი" და "დეკონი"
ასრულებენ.
კომპანიაში ხელფასის დაგვიანების ფაქტს
ადასტურებენ და აცხადებენ, რომ დავალიანება დაიფარება და
დასაქმებულები კუთვნილ ხელფას მიიღებენ.
ქუთაისის ტექნოლოგიური უნივერსიტეტი, ბიძინა
ივანიშვილის ფოდის, ,,ქართუს'' დაფინანსებით აშენდა.
საუნივერისტეტო ქალაქის მშენებლობა ქუთაისელებს
ყოფილმა პრემიერ-მინისტრმა და "ქართული ოცნების" თავმჯდომარემ, ბიძინა
ივანიშვილმა, 2016 წელს, საპარლამენტო არჩევნებამდე ერთი თვით ადრე,
საზეიმოდ ამცნო. მუხნარის ტერიტორიაზე მოწყობილ პრეზენტაციაზე
უნივერსიტეტის მაკეტიც წარმოადგინეს და თქვეს, რომ 2019 წელს
სასწავლებელი 60 000 სტუდენტის მიღებას შეძლებდა.
წლიდან წლამდე შეიცვალა როგორც მშენებლობის
ვადები, ასევე, პროექტის მასშტაბები. ჯერ დაპირებული 2019 წლის
ნაცვლად, უნივერსიტეტში სტუდენტთა პირველი ნაკადის მიღება 2020 წელს
გადაიტანეს.
ქუთაისის საერთაშორისო უნივერსიტეტმა სტუდენტთა
პირველი ნაკადი გასულ წელს მიიღო. პირველ სასწავლო წელს
საგანმანათლებლო დაწესებულებაში მხოლოდ 245 სტუდენტი ჩაირიცხა.
უნივერისტეტში სწავლა ჯერჯერობით სამ ფაკულტეტზეა შესაძლებელი.
ვახტანგ ცაგარელის თქმით, უნივერსიტეტის ჯამური ბიუჯეტი ერთ მილიარდ
ევრომდეა.
ქუთაისის ტექნოლოგიური უნივერსიტეტის მშენებლობა
2016 წელს დაანონსდა. დაპირების მიხედვით, სასწავლებელი 60 000
სტუდენტზე იქნებოდა გათვლილი. უნივერისტეტს სტუდენტთა პირველი ნაკადი
2019 წელს უნდა მიეღო. მოგვიანებით, სამშენებლო პროცსის ვადამ 2020
წლისთვის გადიწია, პირველივე სასწავლო წელს კი უნივერსიტეტმა მხოლოდ
246 სტუდენტის მიღება შეძლო.
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები