ახალი ამბები
კამპანიის ორგანიზატორები მოითხოვენ სისხლის სამართლის კოდექსში შიცვალოს გაუპატიურების მუხლი და მოძალადის მიმართ თანხმობის არარსებობა გახდეს ცენტრალური ამოსავალი; პროკურატურაში შეიქმნას დეპარტამენტი, რომელიც სექსუალური ძალადობის საქმეებს ეფექტიანად გამოიძიებს; სქესობრივი განათლება გახდეს ფორმალური განათლების ნაწილი, რითიც ბავშვები შეძლებენ სქესობრივი ძალადობის ამოცნობას და მისგან თავის დაცვას; გაიზარდოს ფსიქოლოგების და სოცმუშაკების რაოდენობა; დადგეს ქობულეთში, სექსუალური ძალადობის მსხვერპლის 14 წლის ნინი ცეცხლაძის საქმის პროკურორის პასუხისმგებლობის საკითხი.
“ჩვენ არ გვყავს მოსაკლავი შვილები” - მშობლების მარში ქუთაისში
17:56 / 08.03.2021
ქუთაისში "ქალთა მოძრაობის" ინიციატივით "1000
მშობლის მარში" გაიმართა.
არასრულწლოვნების მიმართ სექსუალური ძალადობის
შემთხვევების გასაპროტესტებლად, ცენტრალურ მოედანზე სხვადასხვა
პროფესიის ადამიანები შეიკრიბნენ. მათი მთავარი მოთხოვნაა კანონში
შევიდეს ცვლილება და დაზუსტდეს რა ითვლება სექსუალურ ძალადობად.
აქციის მონაწილეები არასაკმარისად მიიჩნევენ გაუპატიურების
კანონის მიხედვით განმარტებას და აუცილებლობად მიიჩნევენ, პირის მიერ
სექსუალურ კავშირზე უარის თქმა ჩაითვალოს ძალადობად.
"გაუპატიურებად დღემდე ითვლება გარემოება, თუ მსხვერპლს აქვს ფიზიკური
კვალი. ამიტომ, საჭიროა დაზუსტდეს კანონი და უარის თქმა უკვე შეფასდეს
სექსუალურ ძალადობად. ჩვენ თუ გვინდა თანასწორ, ჯანსაღ, დემოკრატიულ
გარემოში ვიცხოვროთ, უნდა შევცვალოთ გარემო, რომელიც ჩვენს
პატარა გოგონებს კლავს. ჩვენ არ გვყავს მოსაკლავი გოგონები.
ამიტომ, ყველა ვალდებულია გამოვიდეს და გააპროტესტოს ის, რაც
ხდება", - ამბობს ხელოვნებათმცოდნე ნატალი
პატარიძე.
აქციის მონაწილეები საკანონმდებლო ცვლილებასთან
ერთად, მნიშვნელოვნად მიიჩნევენ სკოლებში სექსუალური განათლების
შეტანას, რომელიც მოზარდს მეტად ინფორმირებულს გახდის და დაეხმარება
სექსუალური ძალადობისგან თავის დაცვაში.
"მსგავს საკითხებზე მოზარდები
ცოდნას იღებენ მეგობრებისგან, სხვადასხვა სოციალური ჯგუფისგან,
რაც არასწორია. ამიტომ საჭიროა ფორმალური, სასკოლო განათლება. აქ არ
არის საუბარი სექსზე, აქ საუბარია ინფორმაციის მიღებაზე სხეულის
შესახებ, იმ ცვლილებებზე, რაც გარდატეხის ასაკში ხდება და მათ
უფლებებზე, რომ აქვს თუ არა ვინმეს უფლება ისინი მათი ნების
საწინააღმდეგოდ გამოიყენოს. ყველა მშობელი უნდა იდგეს ახლა აქ და
სთხოვდეს სახელმწიფოს კანონში ცვლილების შეტანას, რათა დავიცვათ ჩვენი
შვილები", - ამბობს ჟურნალისტი, ქეთი
ბერძენიშვილი.
"1000 მშობლის მარში", რომელიც ქობულეთში სექსუალური ძალადობის მსხვერპლი 14 წლის გოგონას მიერ თვითმკვლელობის შემდეგ დაიგეგმა, პარალელურ რეჟიმში გაიმართა თბილისში, გორში, ზუგდიდში, ბათუმში, მარნეულში, ქობულეთში, რუსთავში, ახალციხესა და ხარაგაულში.
"1000 მშობლის მარში", რომელიც ქობულეთში სექსუალური ძალადობის მსხვერპლი 14 წლის გოგონას მიერ თვითმკვლელობის შემდეგ დაიგეგმა, პარალელურ რეჟიმში გაიმართა თბილისში, გორში, ზუგდიდში, ბათუმში, მარნეულში, ქობულეთში, რუსთავში, ახალციხესა და ხარაგაულში.
კამპანიის ორგანიზატორები მოითხოვენ სისხლის სამართლის კოდექსში შიცვალოს გაუპატიურების მუხლი და მოძალადის მიმართ თანხმობის არარსებობა გახდეს ცენტრალური ამოსავალი; პროკურატურაში შეიქმნას დეპარტამენტი, რომელიც სექსუალური ძალადობის საქმეებს ეფექტიანად გამოიძიებს; სქესობრივი განათლება გახდეს ფორმალური განათლების ნაწილი, რითიც ბავშვები შეძლებენ სქესობრივი ძალადობის ამოცნობას და მისგან თავის დაცვას; გაიზარდოს ფსიქოლოგების და სოცმუშაკების რაოდენობა; დადგეს ქობულეთში, სექსუალური ძალადობის მსხვერპლის 14 წლის ნინი ცეცხლაძის საქმის პროკურორის პასუხისმგებლობის საკითხი.
მსგავსი სიახლეები
15:21 / 19.04.2024
"ოქროს ჩარდახის“ რეაბილიტაცია, რომლის პროექტმაც საზოგადოების
გარკვეულ წრეებში პროტესტი გამოიწვია, დასრულდა.
14:08 / 19.04.2024
საქართველოში ოფშორების საკითხი განსაკუთრებით აქტუალური წელს გახდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები