ახალი ამბები
გელათის გადახურვის სამუშაოების შემსრულებელი კომპანიები დაჯარიმდნენ და პროცესს ჩამოშორდნენ
FaceBook
გელათის სამონასტრო კომპლექსის ღვთისმშობლის სახელობის ტაძარზე შექმნილი ვითარების გამოსასწორებელ ღონისძიებებს დღეიდან სხვა კომპანია განახორციელებს.

კულტურული მემკვიდრეობის დაცვის ეროვნულმა სააგენტომ "ხელოვნების საერთაშორისო ცენტრი" და "იკორთა 2007" 12000 - 12000 ლარით დააჯარიმა.

სააგენტოს ინფორმაციით, კომპანიებმა გაფრთხილების მიუხედავად, ვერ უზრუნველყვეს ხარვეზებით შესრულებული სამუშაოების გამოსწორება.

სააგენტომ ეს გადაწყვეტილება მას შემდეგ მიიღო, რაც 18 იანვარს ტაძრის დასავლეთი მკლავზე ქარის შედეგად დროებითი გადახურვა დაზიანდა.

რამდენად სამართლიანად მიიჩნევენ ჯარიმებს  სამუშაოების შემსრულებელ კომპანიებში ამ მიზნით მათ დავუკავშირდით. 

"ეს ინფორმაცია არ ვიცი. ალბათ, მცდარია, ჩვენ სამუშაოები ოთხი წლის წინ შევასრულეთ",- განაცხადეს შპს "იკორთა 2007-ში". რაც შეეხება მეორე კომპანიას, 

"ხელოვნების საერთაშორისო ცენტრში" ჩვენს ზარებს არ უპასუხეს.

უკვე ცნობილია, რომ დროებით სამუშაოებს ტაძარზე კომპანია "ბაგინეთი +" განახორციელებს. სამუშაოების წარმართვას კი სააგენტოს ინფორმაციით, ფინანსურად სამართლებრივი პასუხისმგებლობის მქონე კომპანიები უზრუნველყოფენ, თუმცა, ვინ იქნებიან ეს კომპანიები, უცნობია.

სააგენტოს ცნობით, ტაძარზე დაზიანებული კონსტრუქციის აღდგენის სამუშაოები უკვე დაიწყო და დღეს დასრულდება.

გელათის მონასტერში წყალი სახურავის რეაბილიტაციის დასრულებიდან ერთ თვეში ჩავიდა. წვიმამ მნიშვნელოვნად დააზიანა ფრესკები. ტაძრის კედლებიდან მხატვრობის ფრაგმენტები ამ დრომდე ცვივა. 

გელათის სამონასტრო კომპლექსში სარეაბილიტაციო სამუშაოები 2013 წელს დაიწყო და რამდენიმე ეტაპად განხორციელდა. პროექტი ამერიკის საელჩომ და მსოფლიო ბანკმა ორ მილიონ ლარზე მეტით დააფინანსა.

მონასტერი მსოფლიო მემკვიდრეობის ნუსხაში 1994 წელს ბაგრატის ტაძართან ერთად შეიტანეს, თუმცა, ბაგრატის ტაძარზე განხორციელებული სამუშაოების შემდეგ, იგი ნუსხიდან ამოიღეს და საფრთხის შემცველ ძეგლთა სიაში გადაიტანეს. 2017 წელს, ხანგრძლივი ბრძოლის შემდეგ, გელათის მონასტერი ისევ დააბრუნეს მსოფლიო მემკვიდრეობის ძეგლთა სიაში.

Print E-mail
FaceBook Twitter
თეგები: #გელათი
მსგავსი სიახლეები
დღეიდან სკოლის მოსწავლეები საკლასო
ოთახებში სწავლის გაგრძელებას ისვე შეძლებენ.
10:26 / 17.01.2022
დღეიდან სკოლის მოსწავლეები საკლასო ოთახებში სწავლის გაგრძელებას ისვე შეძლებენ.
ქუთაისში, თეთრი ხიდის მინებიანი მონაკვეთი სადაც, მოცურების საფრთხეა
, შემოსაზღვრულია. ხიდის ნაწილს კი  თოვლისგან მეეზოვეები
ასუფთავებენ.
11:50 / 16.01.2022
ქუთაისში, თეთრი ხიდის მინებიანი მონაკვეთი სადაც, მოცურების საფრთხეა , შემოსაზღვრულია. ხიდის ნაწილს კი  თოვლისგან მეეზოვეები ასუფთავებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.