ახალი ამბები
„მათხოვრები ხომ არ ვგონივართ?! - რატომ არიგებენ გაფუჭებულ პროდუქტს ქუთაისის საბავშვო ბაღებში
FaceBook
ქუთაისის მეხუთე საბავშვო ბაღის ერთ-ერთი აღსაზრდელის მშობელმა "ბაღების გაერთიანებიდან" გაფუჭებული პროდუქტი მიიღო.

როგორც იზა ხუხია ქუთაისიპოსტს უყვება, ორი კილო კარტოფილი, რომელიც მას გადასცეს, გაფუჭებული იყო და მისი გამოყენება ვერ შეძლო.

"თუ არ დაარიგებენ არც ეგაა პრობლემა, ამათი ორი კილო კარტოფილი რაში დამეხმარება, მაგრამ თუკი არიგებენ და ამას აკეთებენ ბიუჯეტის ფულით, ხომ შეიძლება ხარისხიანი საკვები  მაინც იყოს?  ისეთი  კარტოფილი მომიტანეს,  შეურაცხყოფილი დავრჩი.  ბოდიში,  მაგრამ გაერთიანების უფროსს  მათხოვრები ხომ არ ვგონივართ? ეს არის დაცინვა და აგდება", - ამბობს მეხუთე საბავშვო ბაღის ფილიალის აღსაზრდელის მშობელი იზა ხუხია.

მისი თქმით, დაზიანებულ პროდუქტს ადრეც იღებდა, მაგრამ ამაზე არაფერს ამბობდა, ბოლოს კი საერთოდ გამოუსადეგარი კარტოფილი მიუტანეს.

ქუთაისის ბაგა-ბაღების გაერთიანებაში უხარისხო პროდუქტის შეძენას კატეგორიულად გამორიცხავენ და მომხდარს შემთხვევითობით ხსნიან. გაერთიანების ხელმძღვანელი, დავით წიტაიშვილი ამბობს, რომ შესაძლოა, პროდუქტში რამდენიმე გაფუჭებული კარტოფილი მართლაც მოხვდა, მაგრამ ეს იმას არ ნიშნავს, რომ გაერთიანება ცუდ პროდუქტს ყიდულობს.

"16 ტონა კარტოფილის დაფასოება ხდება და შეიძლება რამდენიმე ცალი შეყვა გაფუჭებული. ეს არის გამონაკლისი შემთხვევა. ცუდი ხარისხის პროდუქტს როგორ შევიძენთ?! აქამდე არ ყოფილა ასეთი შემთხვევა და აუცილებლად დავინტერესდები ამ ფაქტით", -  განაცხადა დავით წიტაიშვილმა.

პანდემიის გამო ქუთაისის არც ერთი სააღმზრდელო დაწესებულება არ მუშაობს. პროდუქტი, რომელსაც გაერთიანება ტენდერის გზით ყიდულობს, აღსაზრდელებისთვის სახლში მიაქვთ.


აღსაზრდელებისთვის არ რიგდება მალფუჭებადი პროდუქტი. ბაღის მოსწავლეების ოჯახები თვეში ერთხელ იღებენ: 10 ცალ კვერცხს,1 კგ შაქარს, 1კგ ბრინჯს, 2 კგ კარტოფილს,1 ლიტრ ზეთს, 1კგ ფქვილს,  ერთ შეკვრა მაწონს,  200 გრ. კარაქს, 8 ცალ ორცხობილას.  ახალი წლის მოახლოებასთან დაკავშირებით, ასევე დარიგდა ტკბილეულის ნაკრები.

ქუთაისის საბავშვო ბაღებში 8 234 აღსაზრდელი ირიცხება.
Print E-mail
FaceBook Twitter
მსგავსი სიახლეები
ქუთაისში, საერთაშორისო ფორუმი 
15:40 / 21.06.2024
ქუთაისში, საერთაშორისო ფორუმი  "ქალაქების შესაძლებლობების გაძლიერება“  მიმდინარეობს, რომელსაც ქალაქი უკვე მეოთხედ მასპინძლობს.
ბაღდათის მუნიციპალიტეტში, 20 ივნისის ღამით მოსული უხვი ნალექის
შედეგად, მდინარე ხანისწყალი ადიდდა.
11:51 / 21.06.2024
ბაღდათის მუნიციპალიტეტში, 20 ივნისის ღამით მოსული უხვი ნალექის შედეგად, მდინარე ხანისწყალი ადიდდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.