ახალი ამბები
ინფორმაციას ამის შესახებ საზოგადოებრივი მოძრაობა "მომავლის ჭიათურის" თავმჯდომარე ნოდარ ჩაჩანიძე ავრცელებს.
"ჭიათურაში, შუქრუთის მაღაროში, ჩემი ინფორმაციით 9 მაღაროელს დაუდასტურდა კორონავირუსი. კომპანია "ჯორჯიან მანგანეზი" არ აჩერებს საწარმოო პროცესს და იქ დასაქმებულ მაღაროელებს საშუალება არ აქვთ გადავიდნენ თვითიზოლაციაში. პრეტენზიის შემთხვევაში, ხელმძღვანელობა მხოლოდ უხელფასო შვებულებაში გასვლის უფლებას აძლევს",- აცხადებს ნოდარ ჩაჩანიძე.
,,ჯორჯიან მანგანეზში" შუქრუთის მაღაროში ვირუსით ინფიცირების ფაქტებს არ ადასტურებენ და აცხადებენ, რომ ვირუსის პრევენციისთვის რეკომენდაციებს ასრულებენ.
თავად, მაღაროში დასაქმებულებს ამაზე საუბარი არ სურთ.
,,გავრცელებული ინფორმაცია, თითქოს, შპს "შუქრუთი +"-ის 9 მაღაროელს კორონავირუსი დაუდასტურდა და მათ არ აქვთ შესაძლებლობა თვითიზოლაციაში გადავიდნენ, სიმართლეს არ შეესაბამება. შპს "შუქრუთი +" ზედმიწევნით ასრულებს საქართველოს მთავრობისა და ჯანდაცვის სამინისტროს რეკომენდაციებს. კომპანია საწარმოო ობიექტებზე სისტემატიურად ატარებს სადეზინფექციო სამუშაოებს, დასაქმებულებს ყოველდღიურ რეჟიმში უტარდებათ თერმოსკრინინგი. ასევე, პერიოდულად ტარდება პისიარ ტესტირება, თანამშრომლები აღჭურვილნი არიან პირადი დაცვის საშუალებებით",- განუცხადეს ,,ქუთაისიპოსტს" კომპანიაში.
საქართველოს პროფესიული კავშირების გაერთიანების თავმჯდომარე თამაზ დოლაბერიძე მაღაროელების ინფიცირების შემთხვევებზე საუბრობს, თუმცა აცხადებს, რომ საწარმო პროცესის შეჩერების აუცილებლობა არ დგას.
,,ზუსტი რაოდენობა რამდენს აქვს ვირუსი ვერ გეტყვით, თუმცა წინა თვეებთან შედარებით შემთხვევის რაოდენობა გაზრდილია. კომპანიას აქვს თავისი პროტოკოლი კორონავირუსის მართვის შესახებ. ამის მიხედვით, ვისაც აღმოაჩნდება სიმპტომები გადაჰყავთ იზოლაციაში და უნარჩუნდებათ ხელფასი. თუ არის ისეთი ვინც აცხადებს, რომ ეშინია რომ არ გადაედოს ვირუსი, კომპანია სთავაზობს, რომ დაწეროს განცხადება უფასო შვებულების შესახებ. ამ ეტაპზე საწარმოო პოროცესის შეჩერების აუცილებლობა, ისევე როგორც ეს მოხდა ტყიბულში, არ დგას",- განაცხადა თამაზ დოლაბერიძემ.
,,ჯორჯიან მანგანეზს" 5000-ზე მეტი პირი ჰყავს დასაქმებული. კომპანია ჭიათურის სამთო-გამამდიდრებელ კომბინატს, ზესტაფონის ფეროშენადნობთა ქარხანას და ვარციხე ჰესს აერთიანებს
ავტორი: ანა ჯიქია
ჭიათურის მაღაროში დასაქმებულები კორონავირუსით დაინფიცირდნენ
16:01 / 24.11.2020
ჭიათურაში მაღაროელები კორონავირუსით დაინფიცირდნენ.
ინფორმაციას ამის შესახებ საზოგადოებრივი მოძრაობა "მომავლის ჭიათურის" თავმჯდომარე ნოდარ ჩაჩანიძე ავრცელებს.
"ჭიათურაში, შუქრუთის მაღაროში, ჩემი ინფორმაციით 9 მაღაროელს დაუდასტურდა კორონავირუსი. კომპანია "ჯორჯიან მანგანეზი" არ აჩერებს საწარმოო პროცესს და იქ დასაქმებულ მაღაროელებს საშუალება არ აქვთ გადავიდნენ თვითიზოლაციაში. პრეტენზიის შემთხვევაში, ხელმძღვანელობა მხოლოდ უხელფასო შვებულებაში გასვლის უფლებას აძლევს",- აცხადებს ნოდარ ჩაჩანიძე.
,,ჯორჯიან მანგანეზში" შუქრუთის მაღაროში ვირუსით ინფიცირების ფაქტებს არ ადასტურებენ და აცხადებენ, რომ ვირუსის პრევენციისთვის რეკომენდაციებს ასრულებენ.
თავად, მაღაროში დასაქმებულებს ამაზე საუბარი არ სურთ.
,,გავრცელებული ინფორმაცია, თითქოს, შპს "შუქრუთი +"-ის 9 მაღაროელს კორონავირუსი დაუდასტურდა და მათ არ აქვთ შესაძლებლობა თვითიზოლაციაში გადავიდნენ, სიმართლეს არ შეესაბამება. შპს "შუქრუთი +" ზედმიწევნით ასრულებს საქართველოს მთავრობისა და ჯანდაცვის სამინისტროს რეკომენდაციებს. კომპანია საწარმოო ობიექტებზე სისტემატიურად ატარებს სადეზინფექციო სამუშაოებს, დასაქმებულებს ყოველდღიურ რეჟიმში უტარდებათ თერმოსკრინინგი. ასევე, პერიოდულად ტარდება პისიარ ტესტირება, თანამშრომლები აღჭურვილნი არიან პირადი დაცვის საშუალებებით",- განუცხადეს ,,ქუთაისიპოსტს" კომპანიაში.
საქართველოს პროფესიული კავშირების გაერთიანების თავმჯდომარე თამაზ დოლაბერიძე მაღაროელების ინფიცირების შემთხვევებზე საუბრობს, თუმცა აცხადებს, რომ საწარმო პროცესის შეჩერების აუცილებლობა არ დგას.
,,ზუსტი რაოდენობა რამდენს აქვს ვირუსი ვერ გეტყვით, თუმცა წინა თვეებთან შედარებით შემთხვევის რაოდენობა გაზრდილია. კომპანიას აქვს თავისი პროტოკოლი კორონავირუსის მართვის შესახებ. ამის მიხედვით, ვისაც აღმოაჩნდება სიმპტომები გადაჰყავთ იზოლაციაში და უნარჩუნდებათ ხელფასი. თუ არის ისეთი ვინც აცხადებს, რომ ეშინია რომ არ გადაედოს ვირუსი, კომპანია სთავაზობს, რომ დაწეროს განცხადება უფასო შვებულების შესახებ. ამ ეტაპზე საწარმოო პოროცესის შეჩერების აუცილებლობა, ისევე როგორც ეს მოხდა ტყიბულში, არ დგას",- განაცხადა თამაზ დოლაბერიძემ.
,,ჯორჯიან მანგანეზს" 5000-ზე მეტი პირი ჰყავს დასაქმებული. კომპანია ჭიათურის სამთო-გამამდიდრებელ კომბინატს, ზესტაფონის ფეროშენადნობთა ქარხანას და ვარციხე ჰესს აერთიანებს
ავტორი: ანა ჯიქია
მსგავსი სიახლეები
13:32 / 19.04.2024
საქართველოს პარლამენტმა მხარი დაუჭირა საგადასახადო კოდექსში
ცვლილების შეტანას, რომელიც ოფშორიდან აქტივების გადმომტანის
დაბეგვრისგან გათავისუფლებასაც ითვალისწინებს.
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები