პოლიტიკა
ქუთაისში საარჩევნო უბნებზე სულ 5 საჩივარი დაიწერა
FaceBook
ქუთაისში, არჩევნების მეორე ტურზე, კენჭისყრის მიმდინარეობისას 5 საჩივარი დაიწერა.
59-ე საოლქო საარჩევნო კომისიაში აცხადებენ, რომ 5-ვე ახალგაზრდა იურისტთა ასოციაციას ეკუთვნის.

,,საქართველოს ახალგაზრდა იურისტთა ასოციაციის" ქუთაისის ფილიალის ხელმძღვანელის, ზაალ გორგიძის თქმით, მათ კიდევ 10-მდე შენიშვნა დააფიქსირეს. 

,,ათამდე შენიშვნა დაიწერა უბნებზე და საჩივრების რაოდენობა გაიზარდა ხუთამდე. საჩივრებიდან ერთი ეხება წილისყრის პროცედურას, ორი გადასატანი ყუთის უბნიდან კანონდარღვევით გატანას, ერთი ჩანაწერთა წიგნის არასწორად შევსებას და ერთიც ხმის მიცემის ოროცედრის დარღვევას. ამომრჩეველმა სხვის გრაფაში მოაწერა ხელი", - განაცხადა ზაალ გორგიძემ.


კენჭისყრის პროცედურა უკვე დასრულებულია და უბნებზე ხმის დათვლის პროცედურები დაიწყო.

ქუთაისში, 156 257 ამომრჩევლისთვის 130 საარჩევნო უბანი იყო გახსნილი. აქედან, 7 სპეცუბანი. აქედან ერთი სასჯელაღსრულების დაწესებულებაში, ხოლო დანარჩენი ექვსი თვითიზოლაციასა და კარანტინში მყოფი პირებს ემსახურებოდა. 

არჩევნებში მონაწილეობის სურვილი კარანტინსა და თვითიზოლაციაში მყოფმა 620-მა პირმა გამოხატა.

დღეს, იმერეთის ორ საარჩევნო ოლქში პარლამენტის არჩევნების მეორე ტური ჩატარდა, ქუთაისში ასევე გაიმართა  მერის რიგგარეშე არჩევნების მეორე ტური.

ქუთაისში, პირველ ტურში, მაჟორიტარობის კანდიდატებმა, "ქართული ოცნებიდან" ზაზა ლომინაძემ ამომრჩეველთა ხმების 41,57% მოაგროვა, ,,ნაციონალური მოძრაობიდან" გრიგოლ ვაშაძემ - 34,65 %.

50%-იანი ბარიერი ვერც მერობის კანდიდატებმა გადალახეს. ,,ქართული ოცნების" კანდიდატმა იოსებ ხახალეიშვილმა ხმების 47,7% მიიღო, ,,ნაციონალური მოძრაობის" კანდიდატმა გრიგოლ შუშანიამ კი 30,63%.

,,ნაციონალური მოძრაობის" მერობის კანდიდატმა ქუთაისში, გიგა შუშანიამ, არჩევნების მეორე ტურში მონაწილეობაზე უარს განაცხადა და მისი კანდიდატურა მოხსნა.

შუშანიას თქმით, არჩევნების პირველი ტური გაყალბდა.

საქართველოში პარლამენტის არჩევნები 31 ოქტომბერს გაიმართა. ქვეყნის მასშტაბით 17 მაჟორიტარულ საარჩევნო ოლქში პარლამენტის არჩევნების მეორე ტური მიმდინარეობდა.
Print E-mail
FaceBook Twitter



მსგავსი სიახლეები
ქუთათელ-გაენათის ეპარქიის მეუფე
იოანე გამრეკელი ქვეყანაში არსებულ ეპიდვითარებას გამოეხმაურა.
13:43 / 23.11.2020
ქუთათელ-გაენათის ეპარქიის მეუფე იოანე გამრეკელი ქვეყანაში არსებულ ეპიდვითარებას გამოეხმაურა.
იმერეთის რეგიონში კორონავირუსით
ინფიცირებულთა რაოდენობა ყოველდღიურად იზრდება.
11:03 / 23.11.2020
იმერეთის რეგიონში კორონავირუსით ინფიცირებულთა რაოდენობა ყოველდღიურად იზრდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.