ახალი ამბები
საჩხერის მეორე საჯარო სკოლა მსოფლიოს 100 წარმატებულ სკოლის ჩამონათვალში მოხვდა
FaceBook
საჩხერის მე-2 საჯარო სკოლა საერთაშორისო კონკურსზე "მსოფლიო განათლების კვირეული" მსოფლიოს 100 წარმატებული სკოლის ჩამონათვალში მოხვდა.

სკოლა აღნიშნულ ჩამონთვალში ინოვაციური სასწავლო პროგრამების და მეთოდების საფუძველზე მოხვდა.

"ჩვენ ვთანამშრომლობთ პროფესიულ კოლეჯებთან. გვაქვს 7 მიმართულება. მოსწავლეები ეუფლებიან მზარეულის, კონდიტერის, დურგლის, ექთნის, ელექტრიკოსის, დიზაინერის და Iთ სპეციალობების მიმართულებებს. ამ პროგრამებს სრულად აფინანსებს სამინისტრო. აქ სწავლა შეუძლია საჩხერის სხვა სკოლების მოსწავლეებსაც, ვისაც პროფესიული განათლების მიღება სურს. განათლების მინისტრის მოადგილემ დაანონსა, რომ ჩვენი სკოლა ერთ-ერთი პირველი იქნება, რომელიც ზოგადი განათლების ატესტატთან ერთად პროფესიული განათლების დიპლომსაც გასცემს,"- განაცხადა "ქუთაისიპოსტთან" საუბარში სკოლის დირექტორმა ლიკა გომართელმა.

პროფესიულ სწავლებასთან ერთად საუკეთესო სკოლების ასეულში მოსახვედრად მათ სწავლა-სწავლების ინოვაციური მიდგომები, უცხო ენებისა და შთEM საგნების სწავლების ეფექტიანი მეთოდები დაეხმარათ.

"ჩვენი მთავარი პრიორიტეტული მიმართულებაა ინგლისური ენის გაძლიერებული სწავლება და ამის საშუალებით ჩვენი მოსწავლეები ინჟინერიის, ფიზიკის, ქიმიის მიმართულებით სხვადასხვა მნიშვნელოვან კონკურსებში წარმატებით მონაწილეობენ. ახალი სკოლის მოდელის ფარგლებში გავაკეთეთ ,,მშობელთა სკოლა". შევისწავლეთ მშობლების საჭიროებები და სხვადასხვა თემატიკაზე უტარდებათ ტრენინგ-სემინარები. გარდა ამისა მოსწავლეებს გლობალური მიზნების მიღწევის გზებს ვასწავლით. სხვადასხვა პროექტებს ვახორცილებთ. მაგალითად: რა შეიძლება გააკეთონ გარემოს დასაცავად, სიღარიბის აღმოსაფხვრელად და ა.შ."

სკოლის დირექტორის, ლიკა გომართელის თქმით, მსოფლიო სკოლების ასეულში მოხვედრა მათი სკოლის მოსწავლეებისთვის სამომავლო წარმატებებისთვის განსაკუთრებით მნიშვნელოვანია.

საერთაშორისო კონკურსზე საქართველოს მხოლოდ საჩხერის ილია ჭავჭავაძის სახელობის მე-2 საჯარო სკოლა წარმოადგენდა.

საერთაშორისო კონკურსი "მსოფლიო განათლების კვირეული" ონლაინრეჟიმში 5-9 ოქტომბერს გაიმართა.
Print E-mail
FaceBook Twitter



მსგავსი სიახლეები
საქართველოს საპარლამენტო
არჩევნების საბოლოო შედეგები ცნობილია.
17:46 / 03.12.2020
საქართველოს საპარლამენტო არჩევნების საბოლოო შედეგები ცნობილია.
ქვეყანაში კორონავირუსის მეორე ტალღის გამო
მთავრობამ პანდემიის პრევენციისთვის შეზღუდვები ისევ გაამკაცრა.
12:50 / 03.12.2020
ქვეყანაში კორონავირუსის მეორე ტალღის გამო მთავრობამ პანდემიის პრევენციისთვის შეზღუდვები ისევ გაამკაცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.