პოლიტიკა
სასულიერო პირები, რომლებიც წინასაარჩევნო კამპანიებში მონაწილეობენ - ISFED-ის ანგარიში
FaceBook
საარჩევნო კოდექსის თანახმად, წინასაარჩევნო აგიტაციაში მონაწილეობა რელიგიურ ორგანიზაციებსაც ეკრძალებათ, თუმცა შეხვედრებში აქტიურად მონაწილეობენ სასულიერო პირები იმერეთიდან.

ქუთათელ-გაენათელი მიტროპოლიტის მეუფე იონაესა და ტყიბულისა და თერჯოლის ეპარქიის მეუფე გიორგი შალამბერიძის დასწრება ,,ქართული ოცნების" კანდიდატების წარდგენაზე ,,სამართლიანი არჩევნების" ანგარიშში მოხვდა, როგორც საარჩევნო კამპანიაში არაუფლებამოპსილი პირების ჩართულობა.

უფრო კონკრეტულად,  18 სექტემბერს, ქუთაისში, ბაგრატის ტაძრის ეზოში გაიმართა „ქართული ოცნების“ მაჟორიტარი დეპუტატობისა და მერობის კანდიდატების წარდგენა. შეხვედრას ესწრებოდნენ სასულიერო პირები, მათ შორის ქუთათელ-გაენათელი მიტროპოლიტი მეუფე იოანე გამრეკელი. ის ასევე ესწრებოდა 19 სექტემბერს, წყალტუბოში გამართულ „ქართული ოცნების“ მაჟორიტარი დეპუტატობის კანდიდატის წარდგენას.

20 სექტემბერს, თერჯოლაში, „ქართული ოცნების“ მაჟორიტარი დეპუტატობის და მერობის კანდიდატის წარდგენას, სხვა სასულიერო პირებთან ერთად, ტყიბულისა და თერჯოლის ეპარქიის მეუფე გიორგი შალამბერიძე დაესწრო.


,,სამართლინი არჩევნები" პოლიტიკურ პარტიებს მოუწოდებს, თავი შეიკავონ და არ დაუშვან ასევე მათი მხარდამჭერების მხრიდან ფიზიკური ძალადობის განხორციელება; არ დაუშვან ოპონენტი პოლიტიკური პარტიების კანდიდატებისა და მხარდამჭერების მიმართ ზეწოლის/მუქარის განხორციელება; არ დაუშვან წინასაარჩევნო კამპანიის პერიოდში პარტიული მიზნებით ადმინისტრაციული რესურსის გამოყენება; არ გამოიყენონ ამომრჩევლებთან ურთიერთობის იმგვარი ფორმა, რაც შეიცავს ამომრჩევლის მოსყიდვის ნიშნებს და საკუთარი საქმიანობა განახორციელონ კანონმდებლობის ფარგლებში; არ დაუშვან წინასაარჩევნო კამპანიაში მათ სასარგებლოდ არაუფლებამოსილი პირების ჩართვა.

„სამართლიანი არჩევნებისა და დემოკრატიის საერთაშორისო საზოგადოება” საქართველოს პარლამენტის 2020 წლის 31 ოქტომბრის არჩევნების წინასაარჩევნო პერიოდის მონიტორინგს 1 ივნისიდან ახორციელებს.

Print E-mail
FaceBook Twitter
მსგავსი სიახლეები
საქართველოს ყოფილი პრეზიდენტის, მიხეილ სააკაშვილისთვის სასჯელის
გადავადებაზე სასამართლო პარასკევს, 9 დეკემბერს იმსჯელებს.
08:41 / 07.12.2022
საქართველოს ყოფილი პრეზიდენტის, მიხეილ სააკაშვილისთვის სასჯელის გადავადებაზე სასამართლო პარასკევს, 9 დეკემბერს იმსჯელებს.
ქუთაისის მერის მოადგილისა და შპს „სატრანსპორტო კომპანიის“ 
ხელმძღვანელის პოსტები კვლავ ვაკანტურია.
14:17 / 06.12.2022
ქუთაისის მერის მოადგილისა და შპს „სატრანსპორტო კომპანიის“  ხელმძღვანელის პოსტები კვლავ ვაკანტურია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.