ახალი ამბები
იმერეთში კორონავირუსის 55 ახალი შემთხვევა გამოვლინდა
FaceBook
ბოლო 24 საათში იმერეთში ვირუსით ინფიცირებულთა რაოდენობა 55-ით გაიზარდა.

ჯამში, გასული დღე-ღამის განმავლობაში რეგიონში 1182 ტესტი გაკეთდა. 55 შემთხვევიდან რამდენი უკავშირდება ქუთაისს ან იმერეთის სხვა რაიონებს, უცნობია. უცნობია, ასევე დადგენილია თუ არა ინფიცირებულთა კონტაქტები. ქუთაისში, დღეს ამის შესახებ ტრადიციული განცხადება არ გაკეთებულა. იმერეთის გუბერნატორი, რომელიც ვირუსის გავრცელების შესახებ მონაცემებს მედიას ყოველდღიურად აწვდიდა,ჟურნალისტებს არ შეხვედრია. სამხარეო ადმინისტრაციაში არც ის განუმარტავთ, გააკეთებს თუ არა გუბერნატორი  განცხადებებს მომდევნო დღეებში.

გუბენატორის ნაცვლად,  დღეს მედიასთან დაავადებათა კონტროლის ეროვნული ცენტრის იმერეთის სამმართველოს უფროსის, გოჩა გიორგიძის შეხვედრა იყო დაგეგმილი, თუმცა, ცოტა ხნის წინ სამხარეო ადმინისტრაციაში განაცხადეს, რომ მონაცემებზე საუბარს ვერც ის შეძლებდა. თავად გოჩა გიორგიძე სატელეფონო ზარებს არ პასუხობს.

როგორც ქუთაისიპოსტისთვის გახდა ცნობილი, დაავადებათა კონტროლის ეროვნულმა ცენტრმა სამხარეო ადმინისტრაციებსა და რეგიონულ სამმართველოებს ინფორმაციის გაცემა აუკრძალა. ქუთაისიპოსტი დაავადებათა კონტროლის ეროვნულ ცენტრსაც დაუკავშირდა, სადაც ინფორმაცია მონაცემების გაცემის აკრძალვის შესახებ უარყვეს, თუმცა, განაცხადეს, რომ ქვეყანაში შექმნილი ვითარების გამო, ყველა დაძაბულ რეჟიმში მუშაობს და ვირუსის გავრცელებასთან დაკავშირებით განცხადებები მხოლოდ თბილისში გაკეთდება.

"თუ იქნება დამატებითი საჭიროება, განცხადება  გაკეთდება რეგიონებშიც",  - განაცხადეს დაავადებათა კონტროლის ეროვნულ ცენტრში.







Print E-mail
FaceBook Twitter



მსგავსი სიახლეები
№59 ქუთაისის საოლქო საარჩევნო
კომისიის წევრებმა მეორე ტურის შემაჯამებელ ოქმებზე მოაწერეს
ხელი.
19:49 / 29.11.2020
№59 ქუთაისის საოლქო საარჩევნო კომისიის წევრებმა მეორე ტურის შემაჯამებელ ოქმებზე მოაწერეს ხელი.
ქუთაისში მამაკაცს ეძებენ.
19:36 / 29.11.2020
ქუთაისში მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.