ახალი ამბები
ჭიათურის მერიას საყრდენი კედლის მოწყობაში თანხების არამიზნობრივ ხარჯვას ედავებიან
FaceBook
ჭიათურაში, თეატრის მიმდებარედ საყრდენი კედლის აღსადგენად მერიამ 45 000 ლარი დახარჯა.
შემდეგ კედელი დაზიანდა და ხარვეზების დასაფარავად მის მოხატვაში 5 400 ლარი გადაიხადა. ინფორმაციას ამის შესახებ ,,ფლანგვის დეტექტორი" ავრცელებს. 

კვლევაში ასევე ნათქვამია, რომ ამის პარალელურად ჭიათურის მერიამ იაშვილის ქუჩის სკვერის კედელიც მოხატა სამუშაოები სრულიად უსასყიდლოდ ადგილობრივი სამხატვრო სკოლის პედაგოგებს შეასრულებინა.

,,საყრდენი კედელი, რომლის გამაგრებასა და მოხატვაში 50,000 ლარზე მეტია გადახდილი, ისევ დაზიანებულია. ამის პარალელურად, მერიამ იაშვილის ქუჩაზე მდებარე სკვერის კედელიც მოხატა. ამ შემთხვევაში, ჭიათურის მერიის ინფორმაციით, სამუშაოები ადგილობრივი სამხატვრო სკოლის პედაგოგებმა უსასყიდლოდ შეასრულეს."

ჭიათურის მერიაში ორგანიზაციის მიერ გავრცელებულ ინფორმაციას უარყოფენ და აცხადებენ, რომ კედლის მოსაწყობად ტენდერი 7-8 წლის წინ გამოცხადდა.


ჭიათურის მერი გივი მოდებაძე ქუთაისიპოსტთან საუბარში ამბობს, რომ  ტენდერი გრაფიტის ფესტივალის მოსაწყობად გამოცხადდა, რომელის ფარგლებშიც საყრდენი კედელი მოხატეს.

,,კედელი 2019 წლისათვის იყო პრაქტიკულად ჩამოყრილი. ამის გარემონტება სრულად დაახლობით 200 ათასი ლარი ჯდება. ამის შესაძლებლობა იმ წუთისათვის ბიუჯეტს არ ჰქონდა. ჩვენ ჩავატარეთ 3 დღიანი ფესტივალი, რომელიც ითვალისწინებდა მის მოხატვას. წყალი ჟონავს და იქ რაც არ უნდა დაიტანო აიქერცლება. 3 წლიანი გარანტია აქვს კომპანიას, რომელიც მას შეცვლის პერიოდულად. სადაც დაზიანებული იყო არადგინეს უკვე. ამ ეტაპზე არაფერს არ საჭიროებს. ვიღაც-ვიღაცები, ბავშვები საღებავებს ასხამენ და მაშინ სულ უნდა ღებო."

ჭიათურის მერის, გივი მოდებაძის განცხადებით, მიმდინარე წლის ბიუჯეტში გრაფიტის ფესტივალების ჩასატარებლად 50 000 ლარია გათვალისწინებული.


ავტორი: ანა ქიჯია
Print E-mail
FaceBook Twitter



მსგავსი სიახლეები
№59 ქუთაისის საოლქო საარჩევნო
კომისიის წევრებმა მეორე ტურის შემაჯამებელ ოქმებზე მოაწერეს
ხელი.
19:49 / 29.11.2020
№59 ქუთაისის საოლქო საარჩევნო კომისიის წევრებმა მეორე ტურის შემაჯამებელ ოქმებზე მოაწერეს ხელი.
ქუთაისში მამაკაცს ეძებენ.
19:36 / 29.11.2020
ქუთაისში მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.