ახალი ამბები
ზემო იმერეთში სამთო ტურიზმის განვითარებისთვის გრანტებს გასცემენ
FaceBook
ევროკავშირმა, შევდეთთან და ავსტრიასთან ერთად იმერეთის რეგიონიდან, საჩხერეში, ჭიათურასა და ტყიბულში მცხოვრებლებისთვის, სამთო ტურიზმის სექტორში, საგრანტო კონკურსი გამოაცხადა.

ადგილობრივი განვითარების ინიციატივების საგრანტო კონკურსში მონაწილეობა, ასევე, შეუძლიათ მესტიის, ლენტეხის, ცაგერის, ონისა და ამბროლაურის მუნიციპალიტეტებში მცხოვრებლებს.

საგრანტო თანხის ჯამური ოდენობა 860 000 ევროს შეადგენს, ტურიზმის განვითარების ინიციატივის ფარგლებში კი - 5 000-დან 50 000 ევროს.

აპლიკანტის მხრიდან თანადაფინანსება მთლიანი ბიუჯეტის მინიმუმ 10%-ს უნდა შეადგენდეს. წარდგენილი პროექტის ხანგრძლივობა მინიმუმ ექვსი თვითაა განსაზღვრული და 24 თვეს არ უნდა აჭარბებდეს, ხოლო ყველა დაგეგმილი აქტივობები 2022 წლის 30 სექტემბრამდე უნდა დასრულდეს.

საქართველოში ევროკავშირის ელჩის კარლ ჰარცელის თქმით, შერჩევისას ყურადღება მიექცევა ეკო-მეგობრულ, თემზე ორიენტირებულ ინიციატივებს. 

განაცხადების შეოტანის ბოლო ვადა სამი აგვისტოა. დაინტერესებულმა პირებმა განაცხადი აქ უნდა შეავსონ

დეტალური ინფორმაციისთვის კითხვა-პასუხის სესია ტყიბულის მერიაში 16 ივლისს 11:00 საათზე გაიმართება, 17 ივლისს 11:00 საათზე ჩატარდება შეხვედრა საჩხერის მერიის შენობაში, ამავე დღეს, ოღონდ 15:00 საათზე ჭიათურის მერიაში. 

კონკურსში ჩართვა შეუძლიათ აღნიშნულ მუნიციპალიტეტებში რეგისტრირებულ კომერციულ და არაკომერციულ კომპანიებს ან პიროვნებებს, რომლებიც დარეგისტრირებულნი არიან აღნიშნულ სამიზნე რეგიონებში, ან რომლის საქმიანობის ძირითად ნაწილს პროექტით დაფარულ არეალებში წარმართავენ/უნდა წარმართონ.

პროექტი GRETA, რომლის ფარგლებშიც კონკურსი გამოცხადდა, მთის ტურიზმისა და ორგანული სოფლის მეურნეობის განვითარების მხარდაჭერის ოთხწლიან პროექტს წარმოადგენს, რომელის მიზანი ხსენებულ სექტორებში მცირე და საშუალო საწარმოების განვითარებაა.

Print E-mail
FaceBook Twitter



მსგავსი სიახლეები
საქართველოს საპარლამენტო
არჩევნების საბოლოო შედეგები ცნობილია.
17:46 / 03.12.2020
საქართველოს საპარლამენტო არჩევნების საბოლოო შედეგები ცნობილია.
ქვეყანაში კორონავირუსის მეორე ტალღის გამო
მთავრობამ პანდემიის პრევენციისთვის შეზღუდვები ისევ გაამკაცრა.
12:50 / 03.12.2020
ქვეყანაში კორონავირუსის მეორე ტალღის გამო მთავრობამ პანდემიის პრევენციისთვის შეზღუდვები ისევ გაამკაცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.