ახალი ამბები
წყალტუბოში კარიერზე მომხდარ აფეთქებას მოზარდი შემთხვევით გადაურჩა
FaceBook
წყალტუბოს სოფელ ბანოჯაში არსებულ კარიერზე, აფეთქებითი სამუშაოების დროს, ქვის ნატეხი ერთ-ერთი ადგილობრივის ეზოში ჩავარდა.

ნამსხვრევი 10 წლის გოგონას, რომელიც ეზოში თამაშობდა, რამდენიმე სანტიმეტრით აცდა. მოზარდის დედა ამბობს, რომ გოგონა ძალიან შეშინდა, რის შემდეგაც ადგილზე 112 გამოიძახეს.

"ბავშვს შეეშინდა ძალიან, წარმოიდგინეთ, იმხელა მანძილიდან გადმოსროლილი ქვა რომ ბავშვს მოხვედროდა?! რა ზომისაც უნდა ყოფილიყო, ბავშვს რას დამართებდა?! ჩაერთო ახლა ყველა ამ საქმეში და დიდი ვარაუდით, დაიკეტება", - ამბობს ნატო ბერეკაშვილი. მოზარდის დედა ამბობს, რომ აფეთქებითი სამუშაოების შესახებ არავის გაუფრთხილებია.

იგივეს ამბობენ ადგილობრივებიც. მათი თქმით, ყოველი აფეთქების შემდეგ მათი სახლები იბზარება.

"შვიდჯერ ააფეთქეს დღეს. არც ვიცოდი, საწოლზე ვიწექი და ისეთი ვიბრაცია იყო, მიწისძვრა მეგონა. ყოველი ასეთი აფეთქების შემდეგ იბზარება სახლები, მაღაზიის კელდები და თუ რამე შენობაა, ყველაფერი ",  - ამბობს ერთ-ერთი ადგილობრივი.

კარიერი დასახლებული პუნქტიდან რამდენიმე აეული მეტრით არის დაშორებული. ადგილზე ახლა პროცესი შეჩერებულია. ტერიტორიაზე მხოლოდ დარაჯი დაგვხვდა, რომელმაც გვითხრა, რომ  სამუშაოების მწარმოებელი კომპანიის  უფროსი პოლიციის განყოფილებაშია გადაყვანილი. მისი თქმით, აფეთქების შედეგად ნამსხვრევები დაახლოებით 20 მეტრის რადიუსში იფანტება, თუმცა, როგორ მოხვდა ქვა ადგილობრივის ეზოში, არ იცის.

ზვიად ოქროპირიძე ასევე გვეუბნება, რომ აფეთქების დროს გზებს საპატრულო პოლიცია კეტავს და ხდება მოსახლეობის გაფრთხილება, თუმცა, მოხდა თუ არა ამჯერად მოძრაობის შეზღუდვა, არ იცის.

"ვკეტავთ გზებს და ვაფრთხილებთ მოსახლეობას. პოლიცია მოდის და ის აჩერებს სამანქანო მოძრაობას. დღეს იყო თუ არა, არ ვიცი",  - ამბობს ზვიად ოქროპირიძე.

შინაგან საქმეთა სამინისტროში მომხდარს ადასტურებენ, თუმცა, ამბობენ, რომ საქმეში დანაშაულის ნიშნები არ არსებობს, რის გამოც ფაქტზე გამოძიება არ დაწყებულა.

Print E-mail
FaceBook Twitter
მსგავსი სიახლეები
უკვე 100 დღეა, შუქრუთში, კოროხნალის მაღაროსთან უწყვეტი აქცია
მიმდინარეობს, პროტესტის განმავლობაში კი ადგილობრივების ბედით კვლავ
არავინ დაინტერესებულა.
12:13 / 20.06.2024
უკვე 100 დღეა, შუქრუთში, კოროხნალის მაღაროსთან უწყვეტი აქცია მიმდინარეობს, პროტესტის განმავლობაში კი ადგილობრივების ბედით კვლავ არავინ დაინტერესებულა.
შინაგან საქმეთა სამინისტროს თანამშრომლებმა, ჩატარებული საგამოძიებო
მოქმედებების შედეგად, ნარკოდანაშაულის ბრალდებით 27 პირი დააკავეს,
მათ შორის 15 ნარკორეალიზატორი.
12:18 / 19.06.2024
შინაგან საქმეთა სამინისტროს თანამშრომლებმა, ჩატარებული საგამოძიებო მოქმედებების შედეგად, ნარკოდანაშაულის ბრალდებით 27 პირი დააკავეს, მათ შორის 15 ნარკორეალიზატორი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.