ახალი ამბები
თვითმმართველობების Facebook გვერდებზე მმართველი პარტიის წარმოჩენა გახშირდა - ISFED
FaceBook
ადგილობრივი თვითმმართველობის ორგანოების ნაწილი, ოფიციალური "ფეისბუქ" გვერდების გამოყენებით, 2020 წლის აპრილიდან მმართველი პარტიის სასარგებლო კამპანიაში ჩაერთო.

მმართველი პარტიის გარდა, ცალკეული მუნიციპალიტეტები საქართველოს პარლამენტის მაჟორიტარი დეპუტატების სასარგებლო კამპანიაშიც არიან ჩართული.

"სამართლიანმა არჩევნებმა" ადგილობრივი თვითმმართველობების ორგანოების 133 ოფიციალური "ფეისბუქ" გვერდი შეისწავლა, მათგან 69 მერიის და 64 საკრებულოს გვერდი.

ირკვევა, რომ 2020 წლიდან მმართველი პარტიის წარმოჩენა განსაკუთრებით გააქტიურდა იმერეთში. "ქართულ ოცნებას", ფეისბუქ გვერდებზე განთავსებულ ინფორმაციაში ხშირად მოიხსენიებენ წყალტუბოს, ვანის, ზესტაფონის, თერჯოლის, საჩხერეს, ტყიბულისა და ხარაგაულის როგორც მერიას, ასევე, საკრებულოებს.

2020 წლის იანვრიდან დღემდე 20 მუნიციპალიტეტის მერიის ოფიციალურ "ფეისბუქ" გვერდზე გამოქვეყნებულ პოსტებში "ქართული ოცნება" 29-ჯერ ახსენეს ნეიტრალურ, ან პოზიტიურ კონტექსტში. ხოლო საკრებულოებმა ასეთი 54 პოსტი გამოაქვეყნეს. საგულისხმოა, რომ აღნიშნულ გვერდებზე გამოქვეყნებული პოსტები სხვა არცერთ პოლიტიკურ პარტიას ან კანდიდატს არ ეხება.

განსხვავებული სურათი იყო 2019 წელს. არასამთავრობო ორგანიზაციის მიერ ჩატარებული კვლევის მიხედვით, ამ პერიოდში ფეისბუქზე გამოქვეყნებულ პოსტებში მმართველი პარტია მხოლოდ ერთმა, წყალტუბოს მუნიციპალიტეტმა მოიხსენია. რაც შეეხება საკრებულოებს, პარტიასთან დაკავშირებით 5 საკრებულოს გვერდის მიერ ჯამში მხოლოდ 13 პოსტი იყო გამოქვეყნებული.

არასამთავრობო ორგანიზაცია "სამართლიანი არჩევნები" მიიჩნევს, რომ არჩევნების მოახლოებასთან ერთად მუნიციპალიტეტების ამგვარი აქტივობა ეწინააღმდეგება სახელმწიფოსა და პოლიტიკური პარტიის გამიჯვნის ვალდებულების პრინციპს და საჯარო რესურსების პარტიული ინტერესებისთვის გამოყენების რისკებს ზრდის.

Print E-mail
FaceBook Twitter



მსგავსი სიახლეები
ცენტრალური საარჩევნო კომისიის განმარტებით,
განიხილება საარჩევნო კაბინების კონსტრუქციის შეცვლის საკითხი.
11:19 / 22.09.2021
ცენტრალური საარჩევნო კომისიის განმარტებით, განიხილება საარჩევნო კაბინების კონსტრუქციის შეცვლის საკითხი.
სტაციონარულ სამკურნალო დაწესებულებებსა და იზოლაციაში მყოფი
ამომრჩევლები თვითმართველობის არჩევნებში მონაწილეობას შეძლებენ.
10:48 / 22.09.2021
სტაციონარულ სამკურნალო დაწესებულებებსა და იზოლაციაში მყოფი ამომრჩევლები თვითმართველობის არჩევნებში მონაწილეობას შეძლებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.