ახალი ამბები
გოგი წულაიამ პოლიციის განყოფილების შენობას ცერცვი შეაყარა
FaceBook
პარტია "თავისუფალი საქართველოს" თანათავმჯდომარემ, გოგი წულაიამ, ქუთაისის პოლიციის მეორე განყოფილების შენობას ცერცვი შეაყარა.

მან ამ ფორმით, კორონავირუსის პანდემიის დროს, საგანგებო მდგომარეობის წესების დარღვევისთვის მოქალაქეების დაჯარიმება  გააპროტესტა. მისი თქმით, ხელისუფლებასთან საუბარს აზრი არ აქვს, რადგან მას მოქალაქეების არ ესმის.

"მერიის აივანზე იდგა რვა თანამშრომელი ყოველგვარი დისტანციისა და პირბადის გარეშე, იმ დროს, როცა სამ კაცზე მეტის ყოფნა არ შეიძლებოდა. მაშინ მე ეს ფაქტი გადავიღე, მივმართე პატრულს და სწორედ ამ განყოფილებაში დაიწყეს საქმის მოკვლევა. გამომკითხეს, დავწერე განცხადება და ამ დრომდე ველოდები პასუხს. მე ხომ ვიცი, რომ არ დააჯარიმებენ, ამიტომ ვამბობ რომ, ამორალურია ეს საქციელი. მეც დაჯარიმებული ვარ, მაგრამ არ გადავიხდი. მალე მოუწევს ამ ხელისუფლებას წასვლა და ყველას ჩამოეწერება ეს ჯარიმები", - განაცხადა წულაიამ.

საქართველოს მთავრობის ხუთ ივნისს გამოქვეყნებული ანგარიშის მიხედვით, საგანგებო მდგომარეობის მოქმედების პირობებში, კანონი 8 737-მა პირმა დაარღვია. სულ, გამოვლენილი სამართალდარღვევისთვის 26 მილიონი ლარის ჯარიმაა გამოწერილი. დაჯარიმებულებიდან 8 716 ფიზიკური, ხოლო 21 იურიდიული პირია.

Print E-mail
FaceBook Twitter
მსგავსი სიახლეები
ქუთაისის საერთაშორისო აეროპორტში მცირე ზომის სატვირთო ტერმინალი
აშენდება. 
14:21 / 20.02.2024
ქუთაისის საერთაშორისო აეროპორტში მცირე ზომის სატვირთო ტერმინალი აშენდება. 
ქუთაისში
11:43 / 20.02.2024
ქუთაისში "გუბერნსკის ციხის" ყოფილი შენობა, რომელიც ჯერ კიდევ 2021 წელს გაიყიდა, ისევ უფუნქციო და მიტოვებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.