ახალი ამბები
ტყიბულში ეკონომიკის სამინისტროს წარმომადგენლებს ელოდებიან
10:02 / 11.06.2020
ტყიბულის მინდელისა და ძიძიგურის
შახტში დასაქმებულები, მუშაობის გაგრძელებაზე უარს ამბობენ.
მეშახტეების თქმით, შახტში მანამდე არ ჩავლენ,
ვიდრე ეკონომიკის სამინისტროს წარმომადგენლები იქ არსებულ
მდგომარეობას არ შეისწავლიან და შესაბამის დასკვნას არ დადებენ.
შახტში დასაქმებულები შრომის უსაფრთხო პირობებს ითხოვენ.
"22 ადამიანი კინაღამ დაგვეღუპა ორი დღის წინ.
ღამის 11 საათზე უნდა ამოსულიყვნენ და დილის საათებში ძლივს
ამოვიყვანეთ შახტიდან. მოვლენ დღეს და დაველოდებით რას გადაწყვეტენ,
სხვანაირად მუშაობას არ განვაახლებთ", - ამბობს ერთ-ერთი მეშახტე
ირაკლი ჩიხლაძე.
უსაფრთხო პირობების გარდა, მეშახტეების მთავარი
მოთხოვნა, პანდემიის გამო, საშემოსავლო გადასახადზე დაწესებული
20%-იანი შეღავათის მათ ხელფასებზე დამატებაა.
მეშახტეები აცხადებენ, რომ კომპანია მათ
აღნიშნულ თანხას იმ მოტივით არ ურიცხავს, რომ კორონავირუსის დროს
შახტმა ფინანსური ზარალი განიცადა. თუმცა, აღსანიშნავია, რომ
პანდემიის დროს დაწესებული მკაცრი შეზღუდვების დროსაც კი, ტყიბულის შახტში
საწარმოო პროცესი არ შეწყვეტილა და მეშახტეები ჩვეულ რეჟიმში
აგრძელებდნენ მუშაობას.
მთავრობის მიერ დაწესებული შეღავათის მიღება,
მეშახტეებმა, 10 ივნისს გამართული აქციის შემდეგ,
კომპანიის დირექტორთან, მიხეილ სოცკისთან შეხვედრაზეც მოითხოვეს,
თუმცა, სამსაათიანი მოლაპარაკება შეთანხმების გარეშე დასრულდა.
მეშახტეებმა მხოლოდ ჯანდაცვის სამინისტროს ჯგუფის ადგილზე ჩასვლის
დაპირება მიიღეს. რაც შეეხება მათ მთავარ მოთხოვნას, საკითხი ამ
დრომდე გაურკვეველია.
"გვითხრეს, ამ საკითხზე წერილობით
მოგვმართეთო", - ამბობს ირაკლი ჩიხლაძე.
მსგავსი სიახლეები
16:49 / 28.10.2026
ქუთაისის დასუფთავების სამსახურისთვის 22 ერთეული სპეციალიზებული
ტექნიკა შეიძინეს.
11:39 / 24.10.2026
მომავალი წლიდან ქუთაისში საზოგადოებრივი ტრანსპორტის
მომსახურებას სრულად მუნიციპალური ავტოპარკი უზრუნველყოფს და
კომერციული სამარშრუტო ხაზები აღარ იქნება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები