ახალი ამბები
მერიას ბალახვნის კიბის პროექტი საჯარო განხილვაზე ტენდერის ჩაშლის შემდეგ გააქვს
FaceBook
ქუთაისის მერია ბალახვნის ასსაფეხურიანი კიბის პროექტის საჯარო განხილვას საზოგადოებას  მას შემდეგ სთავაზობს, რაც სამუშაოების შესრულებაზე ტენდერიც გამოაცხადა და გამარჯვებულიც გამოავლინა.

ადგილობრივმა თვითმმართველობამ ინიციატივა მხოლოდ მაშინ გაააჟღერა, რაც კიბის რეკონსტრუქციაზე გამოცხადებული ტენდერი ტექნიკური ხარვეზის მიზეზით თავად ჩაშალა.
მერიაში ამბობენ, რომ საბოლოო ვერსიაში საზოგადოების მოსაზრებები და შენიშვნები იქნება გათვალისწინებული.

"ქუთაისის ასსაფეხურიანი კიბე ჩვენი ქალაქის ერთ-ერთი სავიზიტო ბარათია. იგი ქუთაისის ისტორიის ნაწილიცაა უკვე. სწორედ ამიტომ, ქალაქის მერიამ საჭიროდ მიიჩნია, "ასსაფეხურიანი კიბის" რეაბილიტაციის პროცესში მაქსიმალურად იყოს ჩართული მოსახლეობა", - აცხადებენ მერიაში.

ქუთაისში ასსაფეხურიანი კიბის რეკონსტრუქციისთვის ტენდერი მიმდინარე წლის სამ აპრილს გამოცხადდა. შესყიდვის სავარაუდო ღირებულება 736 306 ლარი იყო. ელექტრონულ შესყიდვაში ორი პრეტენდენტი - ინდ.მეწარმე ბესიკ ივანაშვილი და შპს "ლამოდერნა" მონაწილეობდა. ბესიკ ივანაშვილი საჩხერეში მცხოვრები მეწარმეა და მან ტენდერში "ლამოდერნაზე" დაბალი ფასი დააფიქისრა, შესაბამისად, იგი გამარჯვების რეალური კანდიდატი იყო, თუმცა, მედიაში მისი "ქართულ ოცნებასთან" შესაძლო კავშირის შესახებ ინფორმაციის გავრცელების შემდეგ, მერიამ გამარჯვებულად  უფრო მაღალი ფასის მქონე კომპანია დაასახელა. ამაზე საუბრობდა ოპოზიციაც და აცხადებდა, რომ მმართველი გუნდი ბესიკ ივანაშვილს მფარველობდა, რადგან ის ბიძინა ივანიშვილის მეზობელია სოფელ ჭორვილაში. ამის შემდეგ, მერიამ ტენდერი ჩაშალა. ოფიციალური ინფორმაციით, ტენდერი ტექნიკური ხარვეზის გამო შეწყდა, თუმცა, მერიას ამაზე დამატებითი განმარტება არ გაუკეთებია.

ტენდერის ჩაშლის ზუსტი მიზეზი არც შპს "ლამოდერნას" ხელმძღვანელმა იცის.

"მხოლოდ ის გვითხრეს, რომ უკეთესი პროექტი უნდა შედგესო. თუ მომდევნო პროექტის ხარჯთაღრიცხვა მოგვცემს შესაძლებლობას, ისევ მივიღებთ მონაწილეობას", - ამბობს დათო ხურციძე. 

საკრებულოს ფრაქცია "ნაციონალური მოძრაობის" თავმჯდომარის, გიგა შუშანიას თქმით, ასსაფეხურიანი კიბის ირგვლივ  განვითარებული პროცესები, ნათელი მაგალითია იმისა, თუ როგორ მუშოაბს "ქართული ოცნების" ხელისუფლება.

"ჯერ რამდენი წელი მოუნდნენ ბალახვნის კიბის პროექტირებას და ახლა გაახსენდათ რომ საჯარო განხილვები უნდა მოაწყონ? გვპირდებიან, გვპირდებიან და თავს ვერ აბამენ ვერაფერს.  ამის ნათელი მაგალითი მათ მიერ რეაბილიტირებული თეთრი ხიდიცაა", - ამბობს გიგა შუშანია.


ასსაფეხურიანი კიბის რეკონსტრუქცია ქუთაისის მერიის 2018 წელს გაცემული დაპირება იყო. 



ამავე თემაზე:

ბალახვნის კიბის რეაბილიტაციისთვის ერთი მილიონი ლარი დაიხარჯება

ასსაფეხურიანი კიბეების პროექტირების ტენდერი მეორედ ჩაიშალა

როგორი უნდა ყოფილიყო და როგორი იქნება ბალახვნის ას საფეხურიანი კიბენახეთ აქ
Print E-mail
FaceBook Twitter
მსგავსი სიახლეები
,,ქუთაისიპოსტზე
02:04 / 14.07.2020
,,ქუთაისიპოსტზე" გამოქვეყნებული მასალის შემდეგ – კანალიზაციით და შლამით სავსე ისტორიული აბანო ქუთაისში წლების განმავლობაში მოუვლელი, უძველესი ბუნებრივი აბანოები მოწესრიგდება.
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.