ახალი ამბები
“ეს გაზრდის ჩვენს პასუხისმგებლობას და არა სიმდიდრეს” - მეუფე იოანე ტყის ეკლესიებისთვის გადაცემაზე
FaceBook
ქუთაის-გაენათის ეპარქიის წინამძღოლმა, მეუფე იოანემ ქუთაისიპოსტთან, ტყის კანონში შეტანილ იმ ცვლილებაზე ისაუბრა, რომლის მიხედვითაც, ეკლესიას მის გარშემო არსებული 20 ჰექტარი ტყის დაკანონება შეუძლია.

მეუფე ამბობს, რომ ეკლესიებისთვის ტყის მასივების გადაცემით მათი ქონება არ გაიზრდება, არამედ მოიმატებს პასუხისმგებლობა და ტყე უფრო დაცული იქნება.

"დღესაც არის ხალხის მეხსიერებაში დარჩენილი, რომ ეკლესიის გარშემო ტერიტორია იწოდებოდა ხატის ტყედ და იყო ხელშეუხებელი, ამიტომ დღემდე შემორჩენილია, არ გაუჩეხიათ. ასე, რომ ეს ტყის მასივები თუ იქნება გადმოცემული, ეს გაზრდის ჩვენს პასუხისმგებლობას და არა სიმდიდრეს. თუ უნდა იყიდოს, ესეიგი ფული უნდა გასცეს, კი არ გამდიდრდეს, არამედ, გაღარიბდეს. ამას აქვს ის მნიშვნელობა, რომ არ გაიჩეხოს ტყე, დაცული იყოს გარემო", - განაცხადა მეუფემ.

მღვდელმთავარი
, საპატრიარქოს შემოსავლებსა და ეკლესიების მიერ, ტყის დაკანონების შესახებ ოპოზიციის კრიტიკაზე დასმულმა შეკითხვამ გააღიზიანა.

"წლების წინ გადამთიელებზე გაიყიდებოდა ჩვენი მიწა-წყალი, იმაზე ოპოზიციას ხმა არ ამოუღია, ისინი როგორ იყენებდნენ ამ მიწა-წყალს, ამაზე ხმა არ ამოუღია და ეკლესია თუ დაიცავს, ეს უბედურებაა? თუ პირიქით, გადარჩენაა სიმდიდრის? რაც შეეხება იმას, რომ მდიდარია საპატრიარქო, თავისი ფულები დაითვალონ და გვითხრან რამდენი აქვთ. ამას მალავენ და ეს არის პრობლემა", - ამბობს მეუფე.



პარლამენტმა, საქართველოს მართლმადიდებლური ეკლესიისთვის 20 ჰექტარი ტყის დაკანონების შესახებ კანონი 22 მაისს მიიღო. ცვლილების მიხედვით, ეკლესია-მონასტრების გარშემო ტყის მასივი, რომელიც საპატრიარქოს მიჩენის ფორმით ჰქონდა გადაცემული, ახლა მისი დაკანონების უფლებას აძლევს. ამასთანავე, განისაზღვრა, რომ გადასაცემი ტყის ფართობი შესაძლოა იყოს 20 ჰექტარი. ოპოზიცია და არასამთავრობო სექტორი მიიჩნევს, რომ ეს მართლმადიდებლურ ეკლესიას პრივილეგირებულ მდგომარეობაში აყენებს და არც თუ ისე ღარიბ საპატრიარქოს, კიდევ უფრო გამდიდრების საშუალებას აძლევს.

Print E-mail
FaceBook Twitter



მსგავსი სიახლეები
5 აგვისტოს მონაცემებით ჯამურად ჩატარდა 564 691 აცრა.
16:54 / 05.08.2021
5 აგვისტოს მონაცემებით ჯამურად ჩატარდა 564 691 აცრა.
ქუთაისის მერიას, შესაძლოა, ახალდაქორწინებული
ოჯახების  წახალისების პროგრამის გაუქმება მოუწიოს.
10:45 / 04.08.2021
ქუთაისის მერიას, შესაძლოა, ახალდაქორწინებული ოჯახების  წახალისების პროგრამის გაუქმება მოუწიოს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.