ახალი ამბები
წყალტუბოში კარანტინში მყოფი 2 მოქალაქე ქუთაისის ინფექციურ საავადმყოფოში გადაიყვანეს
FaceBook
იტალიიდან სპეცრეისით ჩამოყვანილი ორი საქართველოს მოქალაქე, რომლებიც წყალტუბოს ერთერთ სანატორიუმში კარანტინში იყვნენ, ქუთაისის ახალ ინფექციურ საავადმყოფოში გადაიყვანეს.

ინფექციურ საავადმყოფოში აცხადებენ, რომ პაციენტებს ვირუსისთვის დამახასიათებელი სიმპტომები აღენიშნებოდათ. ამჟამად, ისინი კლინიკის ბოქსირებულ განყოფილებაში არიან მოთავსებულნი და უტარდებათ სპეციალური მკურნალობა. 

ბოლო მონაცემებით COVID19 სულ 24 ადამიანს დაუდგინდა. მათი უმრავლეობა იტალიაში მოგზაურობის დროს დაინფიცირდა ან იტალიიდან ჩამოსულ ადამიანებთან ჰქონდა კონტაქტი. ინფექციურ საავადმყოფოში მხოლოდ სამი პაციენტი წევს სხვა ქვეყანაში მოგზაურობის ისტორიით, მათგან ორი ირანში იმყოფებოდა, ხოლო ერთი ესპანეთში.

ხელისუფლებამ ახალი ვირუსის პრევენციის მიზნით ზომები უკვე მიიღო. შეწყვეტილია საჰაერო მიმოსვლა ვირუსის გავრცელების მაღალი რისკის მქონე ქვეყნებთან - ჩინეთთან ირანთან და იტალიასთან. ქვეყანაში ორი კვირით შეწყდა სასწავლო პროცესი.

საქართველოში კორონავირუსის პირველი შემთხვევა 26 თებერვალს დადასტურდა. ყველა დაინფიცირებული საქართველოს მოქალაქეა.

COVID19 -ით მსოფლიოში 100 000-ზე მეტი ადამიანია ინფიცირებული, 3 000 -ზე მეტი კი გარდაიცვალა. კორონავირუსი ყველაზე მეტად გავრცელებულია ჩინეთში, სამხრეთ კორეაში, ირანსა და იტალიაში. ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა.

ვირუსი 2019 წლის დეკემბერში, ჩინეთის ჰუბეის პროვინციაში, ქალაქ უჰანიდან გავრცელდა.


Print E-mail
FaceBook Twitter
მსგავსი სიახლეები
10 დეკემბერს ქუთაისში სპორტულ-კულტურული ფესტივალი
12:08 / 09.12.2022
10 დეკემბერს ქუთაისში სპორტულ-კულტურული ფესტივალი "ამერიკული დღეები 2022" გაიმართება.
ქუთაისის სკოლამდელი აღზრდის დაწესებულებებში საშობაო არდადეგები 31
დეკემბრიდან დაიწყება.
09:39 / 09.12.2022
ქუთაისის სკოლამდელი აღზრდის დაწესებულებებში საშობაო არდადეგები 31 დეკემბრიდან დაიწყება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.