ახალი ამბები
ქუთაისში უცხოელ ტურისტს ეძებენ
FaceBook
ქუთაისში ჰოლანდიის მოქალაქეს, სემ ვიგერს ეძებენ.

დაკარგული ტურისტის ძმა სოციალურ ქსელში იტყობინება, რომ დაკარგვამდე ის ქუთაისში რესტორან "ბარაქაში" მეგობრებთან ერთად იმყოფებოდა. 

"წასვლისას, გაემართნენ ქუთაისის მაკდონალდსის მიმართულებით და სწორედ ამ დროს დაკარგეს ერთმანეთი. ჩემი ძმა იმ ღამეს ჰოსტელში არ დაბრუნებულა, ტელეფონზეც ვერ ვუკავშირდებით. აქვს გრძელი ყავისფერი ხუჭუჭა თმა, აცვია ლურჯი ჯინსი და გრძელსახელოებიანი ნაცრისფერი მაისური.

თუ ვინმეს სადმე დაგინახავთ, ან გაქვთ რაიმე ინფორმაცია, გთხოვთ დაგვიკავშირდეთ ნომრებზე: +31 64 75 45 017 ან +31 63 93 42 600", - წერს გაუჩინარებული ტურისტის ძმა სოციალურ ქსელში.

DMO Imereti-ს ხელმძღვანელის ტატო ლილუაშვილის განცხადებით, სამსახური მუდმივ კონტაქტზეა პოლიციასთან და მუდმივად ეცნობა ახალ ცნობებს დაკარგული ნიდერლანდელი ტურისტის შესახებ.

"ვიმედოვნებთ, რომ სულ მალე გვეცოდინება რა მოხდა და სად იმყოფება სიემ ვიგერი, თითქმის ყოველ საათში ვეკონტაქტებით საგამოძიებო სამსახურებს, ასევე "სტარ ჰოტელის" ადმინისტრაციას", - ამბობს ტატო ლილუაშვილი.

შინაგან საქმეთა სამინისტროში აცხადებენ, რომ განცხადება ტურისტის დაკარგვაზე უწყებაში 8 მარტს შევიდა და ამ დროისათვის სამძებრო ღონისძიებები მიმდინარეობს.

Print E-mail
FaceBook Twitter
მსგავსი სიახლეები
საქალაქო ტრანსპორტით გადასაადგილებლად მგზავრებსა და მძღოლებს მხოლოდ
პირბადის ტარება ევალებათ.
15:50 / 27.05.2020
საქალაქო ტრანსპორტით გადასაადგილებლად მგზავრებსა და მძღოლებს მხოლოდ პირბადის ტარება ევალებათ.
საქართველოს პარლამენტში დღეს პრემიერ-მინისტრ გიორგი გახარიას
მოუსმენენ.
10:15 / 27.05.2020
საქართველოს პარლამენტში დღეს პრემიერ-მინისტრ გიორგი გახარიას მოუსმენენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.