ლუგარის ლაბორატორიაში იმერეთიდან 11 პაციენტის ნიმუშს სწავლობენ.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ნიმუშები ქუთაისისა და საჩხერის ინფექციური საავადმყოფოებიდან არის გადაგზავნილი.
„ქუთაისის და საჩხერის საავადმყოფოდან აღებულია 11 ნიმუში. ძირითადად, ქუთაისის ინფექციურიდან. ისინი გადაგზავნილია ლუგარში და ჩატარდება კვლევა“,-განაცხადა ამირან გამყრელიძემ.
ცენტრის ხელმძღვანელმა დღესვე კორონავირუსის არსებობის მესამე შემთხვევა დაადასტურა. მისი თქმით, მესამე დაინფიცირებული პაციენტი ირანში იმ პირთან ერთად იმყოფებოდა, რომელსაც კორონავირუსი პირველად დაუდგინდა. იგი საქართველოში აზერბაიჯანის გავლით მოგვიანებით დაბრუნდა. პაციენტი ინფექციურ საავადმყოფოში გუშინ მოთავსდა, მას საზღვარზე ტემპერატურა აღენიშნებოდა, რის გამოც სამედიცინო დაწესებულებაში გადაიყვანეს.
საქართველოში კორონავირუსის პირველი შემთხვევა 26 თებერვალს დაფიქსირდა. ახალი, აქამდე უცნობი ვირუსი 50 წლამდე საქართველოს მოქალაქეს დაუდგინდა, რომელიც აზერბაიჯანის გავლით ირანიდან ჩამოვიდა. ვირუსი აღმოაჩნდა იტალიაში სამოგზაუროდ მყოფ ახალგაზრდა ქალსაც, რომელიც, ასევე, საქართველოს მოქალაქეა. მან სამედიცინო დაწესებულებას 27 თებერვალს მიმართა.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები