ახალი ამბები
წყალტუბოში მამაკაცი ხანჯლით მოკლეს
FaceBook

წყალტუბოში, საცხოვრებელ ბინაში დაწყებული დაპირისპირება, მამაკაცის მკვლელობით დასრულდა.  ის ერთ-ერთ სუპერმარკეტთან ხანჯლით სასიკვდილოდ დაჭრეს.

მარკეტის სათვალთვალო კამერებიდან სისხლიანი გარჩევის კადრები პოლიციამ უკვე ამოიღო.   დაჭრილი 43 წლის კაცი ქუთაისის ინტერვენციული მედიცინის ცენტრში გადაიყვანეს, თუმცა, ექიმებმა მისი გადარჩენა ვერ შეძლეს.


მომხდარის შესახებ მალევე ეცნობა წყალტუბოს პოლიციას. შემთხვევის ადგილზე ჩატარდა საგამოძიებო ღონისძიებები, დაიკითხნენ მეზობლები, გარდაცვლილის ნათესავები და თვითმხილველები, დაკავებულია მკვლელობაში ბრალდებული,  41 წლის მამაკაცი.

შემთხვევა 6 თებერვალს მოხდა. 
ბინა, სადაც დაპირისპირება დაიწყო, ახლა დალუქულია.

დაკავებულის მეზობლები ყვებიან, რომ  ბრალდებულის ბინაში, სადაც ის მარტო ცხოვრობდა, ხმაური მკვლელობამდე რამდენიმე საათით ადრე, თითქმის უწყვეტად ისმოდა. მათი ვარაუდით, ბინაში რამდენიმე მამაკაცი იმყოფებოდა, როლებიც ალკოჰოლურ სასმელს სვამდნენ. როდის და როგორ აღმოჩდნენ მამაკაცები ქუჩაში, სადაც  ერთმა მეორეს ხანჯალი ჩაარტყა, არ იციან.


„ხმაური გამოდიოდა ბინიდან, რაღაც არ მომეწონა სიტუაცია. სამი-ოთხი ადამიანი იქნებოდა, სვამდნენ. მერე რა მოხდა არ ვიცი. პოლიციელებით აივსო კორპუსი, მთელი რაიონის პოლიცია აქ იყო. ერთმა თქვა,  ხანჯალი ჩააარტყა მიშკამ ვიღაცას და დაჭრილიაო.  მიშკა როდის წაიყვანეს, არ გაგვიგია“,-ამბობს დაკავებულის მეზობელი.


„თქვეს,  ფულის გამო იჩხუბესო. ხანჯალი დაურტყია. დაკავებული მარტო ცხოვრობდა. მოკლულს არ ვიცნობ. საავადმყოფოში წაუყვანიათ, ოპერაცია გაუკეთებიათ, მაგრამ ვერ გადაარჩინეს.  სხვა არაფერი ვიცი“,- ამბობს  მკვლელობაში ბრალდებულის მეზობელი.

გარდაცვლილი დევნილი იყო. იგი წყალტუბოს სანატორიუმ „მეგობრობაში“ მარტო ცხოვრობდა. მამაკაცს ცოლი და ორი შვილი დარჩა, რომლებიც ზუგდიდში ცხოვრობენ. გარდაცვლილის რძალ
ი ამბობს, რომ არ იცის, რა შეიძლებოდა გამხდარიყო მისი სიძის მკვლელობის მიზეზი. მისი თქმით,  მეუღლის ძმას  წყალტუბოში ახლო მეგობარი არ ჰყავდა.


„იშვიათად მოდიოდა, სამუშაო თუ გამოუჩნდებოდა რამე აქ, მაშინ ჩამოდიოდა, ხან ზუგდიდში იყო ცოლ-შვილთან. ბოლო სამი წელი წასული იყო აქედან. ძალიან კარგი თვისებების ადამიანი იყო, ყველასთან ახლობლობდა, მაგრამ გამორჩეული მეგობარი არ ჰყოლია. იმ დღეს რა მოხდა არ ვიცით. გავიგეთ, თერნალში, მაღაზიასთან დაჭრესო. ხანჯლით დაუჭრიათ. თავიდან თქვეს ერთი კაცი იყო მარტოო, მერე თქვეს მეორეც იყოო, მაგრამ ზუსტად არ ვიცით“,-ამბობს გარდაცვლილის ძმის ცოლი, ლელა სილაგაძე.


შინაგან საქმეთა სამინისტროს ინფორმაციით, მომხდარზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს.

Print E-mail
FaceBook Twitter
მსგავსი სიახლეები
ორთვიანი წყვეტის შემდეგ,  საქალაქო
ტრანსპორტმა მუშაობა განაახლა, თუმცა,
პირველივე დღეს
გაფუჭდა #28
მიკროავტობუსი.
10:31 / 29.05.2020
ორთვიანი წყვეტის შემდეგ,  საქალაქო ტრანსპორტმა მუშაობა განაახლა, თუმცა, პირველივე დღეს გაფუჭდა #28 მიკროავტობუსი.
29 მაისიდან ქუთაისში სრულად აღდგა საქალაქო
ტრანსპორტის მოძრაობა.
09:59 / 29.05.2020
29 მაისიდან ქუთაისში სრულად აღდგა საქალაქო ტრანსპორტის მოძრაობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.