დაავადებათა კონტროლის ეროვნული ცენტრი ვირუსების გავრცელების თავიდან აცილების მიზნით საჯარო სკოლებს რეკომენდაციას აძლევს.
"ქვეყანაში რესპირაციული ინფექციების სეზონია და ყველა სკოლამ, სააღმზრდელო დაწესებულებამ უნდა გაითვალისწინოს ის რეკომენდაციები, რასაც დაავადებათა კონტროლის ცენტრი იძლევა - ბავშვებისთვის სუფთა გარემოს შექმნა, ხელების ხშირად დაბანა, სკოლები ხშირად განიავდეს, ხშირად მოხდეს დაალგება სველი წესით, ჰქონდეთ საპონი და ინფექციის კონტროლის საშუალება'' - ნათქვამია დაავადებათა კონტოლის ცენტრის მიერ გამოქვეყნებულ მიმართვაში.
ქუთაისის N17-ე სკოლაში აცხადებენ, რომ სასწავლო პროცესი მაქსიმალურად უსაფრთხო გარემოში ტარდება, რადგან იცავენ ყველა ჰიგიენურ ნორმას. სისუფთავეა საკლასო ოთახებსა და დერეფნებში.
"სველი წესით ლაგდება ოთახები, ასევე, ხდება
მათი ყოველდღიური განიავება. არც მშობლები არიან პანიკაში, სასწავლო
პროცესი უსაფრთხო გარემოში მიდმინარეობს," - ამბობს სკოლის დირექტორი
ირინა ჯგერენაია.
დერეფნებისა და საკლასო ოთახების მსგავსად, დასუფთავებული აღმოჩნდა
საპირფარეშო. სველი წერტილი აღჭურვილია ხელების საშრობით და ხელების
დასაბანი საშუალებებით.
ანალოგიური წესრიგი დაგვხვდა ქუთაისის N 40- ე საჯარო სკოლის
ოთახებსა და საპირფარეშოებში.
როგორც სკოლის დირექტორი ლია კუხიანიძე აცხადებს, ყოველდღიურ
დალაგებასთან ერთად, სასკოლო ოთახები, ინვენტარი, სველი წერტილები
თვეში ერთხელ გენერალურად, სპეციალური ხსნარებითაც სუფთავდება.
,,არც ბავშვების დასწრების პრობლემა გვაქვს. მათი უსაფრთხოებისთვის
ვახორციელებთ მოსწავლეების ჯანმრთელობის მონიტორინგს, რაშიც
სრულფასოვნადაა ჩართული სკოლის ექიმი," - ამბობს კუხიანიძე.
მოსწვალეების დასწრების პრობლემა არა აქვთ ქუთაისის N12 - ე სკოლაშიც,
სკოლის დირექტორი ნათია სულავა ამბობს, რომ იცავენ ყველა იმ
რეკომენდაციას, რაც ვირუსების თავიდან ასაცილებლად პრევენციულ
ღონისძიებებს უკავშირდება.
ქუთაისის საგანმანათლებლო რესურსცენტრის ხელმძღვანელი მაია ცქიტიშვილი
ამბობს, რომ ჩართულები არიან სკოლებში გაუთვალისწინებელი შემთხვევა არ
მოხდეს. თუმცა, აღნიშნავს, რომ ერთადერთი შენიშვნა მიიღო
მშობლისგან.
"ხელსაბანი საშუალების თაობაზე. სავარაუდოდ, ესეც იმიტომ, რომ ზოგჯერ
ბავშვები თამაშობენ, ცლიან. რა თქმა უნდა, ამაზე მალევე მოხდა
რეაგირება და საპირფარეშოებში ხელსაბანი საშუალებების შევსება. სხვა
მხრივ სკოლებში ყველა სანიტარულ-ჰიგიენური წესების დაცვით
მიმდინარეობს სასწავლო პროცესი,“ - ამბობს მაია ცქიტიშვილი.
ქალაქში 38 საჯარო სკოლაა. საგანმანათლებლო რესურსცენტრის
ინფორმაციით, თითოეული მათგანი სეზონური ვირუსების გავრცელების
თავიდან აცილებისთვის, სანიტარულ-ჰიგიენურ ნორმებზე ყოველ ორ კვირაში
ერთხელ მოწმდება.
მასალის გამოყენების პირობები