ქართველი სპორტსმენები იმერეთიდან, ლაშა ტალახაძე და ბექა ლომთაძე, 2019 წლის საუკეთესო სპორტსმენები გახდნენ.
მრავალგზის მსოფლიო ჩემპიონი ძალოსან სპორტში ლაშა ტალახაძე და თავისუფალი სტილით მოჭიდავე, ასევე მსოფლიო ჩემპიონი ბექა ლომთაძე, ექვს საუკეთესო სპორტსმენს შორის დაასახელეს. დაჯილდოების ცერემონიალი განათლების, მეცნიერების, კულტურისა და სპორტის სამინისტროს ორგანიზებით, 18 იანვარს გაიმართა.
2019 წლის სპორტული მოვლენების შემაჯამებელი ღონისძიებაზე „წლის სპორტსმენად“ ასევე დაასახელეს ლუხუმ ჩხვიმიანი (ძიუდო), გენო პეტრიაშვილი (თავისუფალი ჭიდაობა), ნუგზარ წურწუმია (ბერძნულ-რომაული ჭიდაობა) და ლაშა გობაძე (ბერძნულ-რომაული ჭიდაობა).
ყველა მათგანმა გასული წლის მსოფლიო ჩემპიონატებზე ოქროს მედლები მოიპოვა. ამავდროულად, ერთი წლის განმავლობაში საქართველოს სპორტის ოლიმპიურ სახეობებში არასდროს ჰყოლია 6 მსოფლიოს ჩემპიონი.
დაჯილდოების ყოველწლიურ ცერემონიაზე საუკეთესოები 11 ნომინაციაში
გამოვლინდნენ, ასევე დაწესებული იყო 14 სპეციალური პრიზი.
ღონისძიებას საქართველოს პრეზიდენტი სალომე ზურაბიშვილი და განათლების, მეცნიერების, კულტურის და სპორტის მინისტრი მიხეილ ჩხენკელი დაესწრნენ.
საქართველოში სულ 3,617 სოფელია, აქედან 3,417 დასახლებულია, ხოლო 200 — დაუსახლებელი (ანუ სოფელი, სადაც მუდმივი მოსახლეობა არ ფიქსირდება) ამის შესახებ აღნიშნულია საქსტატის მოსახლეობისა და სასოფლო-სამეურნეო აღწერის (2024) დაზუსტებულ მონაცემებში.
მასალის გამოყენების პირობები