ახალი ამბები
ქუთაისში მასწავლებელს ბავშვის მიმართ ძალადობაში ადანაშაულებენ
FaceBook
ქუთაისის მესამე საჯარო სკოლის მოსწავლის მშობელი პედაგოგს ბავშვის ცემაში ადანაშაულებს.

მერვე კლასის მოსწავლის მშობლის, ცირა ხაბურზანიას თქმით, მისმა შვილმა ნივთმტკიცების სახით თმის ნაგლეჯი ანახა დედას. მისი თქმით მასწავლებელიც არ უარყოფს, რომ ბავშვს ხელით შეეხო, თუმცა ამბობს, რომ მწარედ არ მოუქაჩავს. 

"ბავშვმა სკოლიდან მომიტანა თმის ეს ნაწილი, რომელიც მასწლავლებელმა ააგლიჯა თავიდან. წარმოიდგინეთ მდგომარეობა იმ პატარასი, რომელმაც თმა ჩუმად შეინახა, რომ ნივთმტკიცების სახით წარედგინა ოჯახისათვის. მიზეზი ის რომ საკლასო დავალების შესრულებისას ფურცელი დააკლდა თურმე, თხოვა მეგობარს და ამის გამო ეჩხუბა", - ამბობს ცირა ხაბურზანია.

მისივე თქმით ის რეაგირებისთვის საქართველოს განათლების სამინისტროს, შინაგან საქმეთა სამინსიტროსა და სახალხო დამცველს მიმართავს.

მესამე საჯარო სკოლის დირექტორი, თამაზ ჭაბუკიანი ამბობს, რომ ფაქტს მშობლებთან და კლასის დამრიგებელთან ერთად იკვლევენ.

"ზუსტად იმ პროცესის მონაწილე ხართ ახლა თქვენ, როდესაც დავიწყეთ ამ ფაქტის გამოკვლევა. თუკი დადასტურდა კანონის შესაბამისი ზომები გატარდება. მოვიწვიე კლასის დამრიგებელი და მშობლები თავიანთი ინიციატივით მოვიდნენ", - ამბობს მესამე საჯარო სკოლის დირექტორი, თამაზ ჭაბუკიანი. 

განათლების სამინისტროში განმარტავენ, რომ საკითხი ჯერ სკოლის საბჭომ უნდა მოიკვლიოს, რომლის შემდეგ გადაწყდება ჩაერევა თუ არა განათლების სამინისტრო საქმეში.



Print E-mail
FaceBook Twitter
მსგავსი სიახლეები
17 დღიანი უწყვეტი ძებნის შემდეგ
მაშველებმა ქუთაისში  დაკარგული ტურისტის ცხედარი იპოვეს.
22:04 / 27.03.2020
17 დღიანი უწყვეტი ძებნის შემდეგ მაშველებმა ქუთაისში  დაკარგული ტურისტის ცხედარი იპოვეს.
საქართველოში ჰაერის დაბინძურების
მაჩვენებელი შემცირებულია.
10:46 / 27.03.2020
საქართველოში ჰაერის დაბინძურების მაჩვენებელი შემცირებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.