ახალი ამბები
„ჩვენ მოვუვლით“ - ქუთაისის მერია საპირფარეშოებს, რომლებიც ვერ გაყიდა, რეაბილიტაციას ჩაუტარებს
FaceBook

ქუთაისის მერიამ,  საზოგადოებრივი საპირფარეშოების აუქციონზე გაყიდვის რამდენიმე  წარუმატებელი მცდელობის შემდეგ, მათი რეაბილიტაცია გადაწყვიტა.


ადგილობრივ თვითმმართველობაში ჯერ ზუსტად არ იციან საბოლოდ მერია  აიღებს პასუხისმგებლობას მათ შემდგომ ფუნქციონირებაზე, თუ კვლავ აუქციონზე გაიტანენ.  მერიის ეკონომიკის სამსახურის უფროსი,  მირზა მამასახლისი ამბობს, რომ ამას შენობების  მოწესრიგების შემდეგ გადაწყვეტენ.

„თვითმმართველობამ მიიღო გადაწყეტილება აღნიშნული საპირფარეშოები საკუთარი სახსრებით მოაწესრიგოს. შექმნილი რეალობიდან გამომდინარე,  პასუხისმგებლობას აიღებს თვითმმართველობა, თუმცა, ამასთანვე,  შესაძლოა,  იყოს საუბარი მათ ისევ აუქციონზე გატანაზე. ჯერ მოვაწესრიგოთ“, - ამბობს მირზა მამასახლისი.


ქუთაისში სულ ოთხი საზოგადოებრივი საპირფარეშოა. მათგან მხოლოდ ერთი, ცენტრალურ ბულვარში მდებარე შენობა ფუნქციონირებს. დანარჩენი მიტოვებული და მოუწესრიგებელია.

მერიას საპირფარეშოების აუქციონზე გაყიდვის მცდელობა რამდენჯერმე ჰქონდა, თუმცა, უშედეგოდ.

ადგილობრივ თვითმმართველობაში წლების განმავლობაში თავს იმით იმართლებდნენ, რომ შენობები, რომლებიც 2012 წელს "გაერთიანებული წყალმომარაგების კომპანიამ" ააშენა, სამი წლის განმავლობაში ეკონომიკის სამინისტროს ბალანსზე იყო და საპირფარეშოები ქალაქს მხოლოდ  2015 წელს გადაეცა. ამის მიუხედავად, მერიამ ოთხი წლის   განმავლობაში პრობლემის მოგვარება ვერ შეძლო.



ამავე თემაზე:

ქუთაისის მერიამ გაუყიდავი საპირფარეშო გაყიდულად გამოაცხადა

Print E-mail
FaceBook Twitter



მსგავსი სიახლეები
საქართველოს საპარლამენტო
არჩევნების საბოლოო შედეგები ცნობილია.
17:46 / 03.12.2020
საქართველოს საპარლამენტო არჩევნების საბოლოო შედეგები ცნობილია.
ქვეყანაში კორონავირუსის მეორე ტალღის გამო
მთავრობამ პანდემიის პრევენციისთვის შეზღუდვები ისევ გაამკაცრა.
12:50 / 03.12.2020
ქვეყანაში კორონავირუსის მეორე ტალღის გამო მთავრობამ პანდემიის პრევენციისთვის შეზღუდვები ისევ გაამკაცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.