ახალი ამბები
ქუთაისის მერიამ გაუყიდავი საპირფარეშო გაყიდულად გამოაცხადა
FaceBook
ქუთაისის ცენტრში  მდებარე საზოგადოებრივი  საპირფარეშო, რომელიც ქუთაისის მერიამ eauction.ge -ზე მითითებული ინფორმაციით,  სამი თვის წინ გაასხვისა, არ მუშაობს.
აუქციონის პირობების მიხედვით,  მეპატრონეს, რომლის ვინაობაც აუქციონზე დახურულია,  სველი წერტილი ერთი თვის ვადაში უნდა გაეხსნა, თუმცა,  მიმდებარე ტერიტორიაზე არსებულ სავაჭრო ობიექტებში დასაქმებულები  ამბობენ, რომ შენობის  მოსაწესრიგებლადაც კი  არავინ მისულა. 

წითელ ხიდთან მდებარე საპირფარეშო ქუთაისის მერიამ  მიმდინარე წლის 29 მარტს, თვეში 1784 ლარად გაასხვისა. eauction.ge-ზე   მითითებულია   გაყიდვის დროც და ფასიც.   სამი თვის შემდეგ კი ადგილობრივ თვითმმართველობაში ამბობენ, რომ სინამდვილეში აუქციონი ჩაიშალა და საპირფარეშო ამ ეტაპზე არავის სარგებლობაში არ არის.


"იყო მსურველი, მაგრამ შემდეგ უარი თქვა და ჩაიშალა აუქციონი. უახლოეს პერიოდში ხელახლა გამოცხადდება",-აცხადებენ მერიაში. 

რატომ არის საპირფარეშო ამ დრომდე გაყიდულის სტატუსით, მერიაში ამაზე პასუხი არ აქვთ.

მიმდინარე წლის გაზაფხულზე მერიამ აუქციონზე სულ ოთხი საპირფარეშო გაიტანა.   მათგან, eauction.ge-ზე გამოქვეყნებული ინფორმაციის მიხედვით,  მხოლოდ წითელ ხიდზე მდებარე ობიექტი გაიყიდა,  თუმცა,ახლა ირკვევა, რომ სინამდვილეში არც ამ საპირფარეშოს ჰყავს პატრონი.

საზოგადოებრივი საპირფარეშოები წლების განმავლობაში  ქალაქისთვის მნიშვნელოვან პრობლემას წარმოადგენს. აბსოლუტური უმრავლესობა წლებია უფუნქციო და მოუვლელია.










Print E-mail
FaceBook Twitter
მსგავსი სიახლეები
ქუთაისში, დავით აღმაშენებლის
გამზირ N127-ში, საცხოვრებელი სახლის მე-9 სართულზე მამაკაცი
უსაფრთხოების ნორმების დარღვევით მუშაობს.
16:14 / 27.01.2020
ქუთაისში, დავით აღმაშენებლის გამზირ N127-ში, საცხოვრებელი სახლის მე-9 სართულზე მამაკაცი უსაფრთხოების ნორმების დარღვევით მუშაობს.
ქუთაისის მესხიშვილის თეატრში
უახლესი პრემიერა 6 და 7 თებერვალს  გაიმართება.
16:12 / 27.01.2020

ქუთაისის მესხიშვილის თეატრში უახლესი პრემიერა 6 და 7 თებერვალს  გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.