ახალი ამბები
ქუთაისში მოსკოვის თეატრის სპექტაკლი პროტესტის ფონზე ჩაივლის
FaceBook

დღეს,  ქუთაისის ლადო მესხიშვილის სახელობის დრამატულ თეატრში,  მოსკოვის  დასის მსახიობები საპროტესტო აქციის ფონზე ითამაშებენ.


თეატრი სახელწოდებით "ნიკიტინის კარიბჭესთან"  ქუთაისში ორ სპექტაკლს:  "არ დამივიწყო" და "ჩვენი ეზოს სიმღერები" წარმოადგენს.

 

ოკუპანტი ქვეყნის თეატრალური დასის ვიზიტს სამოქალაქო მოძრაობა"რუსეთი ოკუპანტია" აპროტესტებს. სამოქალაქო აქტივისტები  დღეს, სპექტაკლის დაწყების დროს, 7 საათზე, თეატრის წინ აქცია-პერფორმანსს გამართავენ. მათი თქმით,  ჩვენს ქვეყანაში რუსული სპექტაკლები არ უნდა იდგმებოდეს.

 

მოძრაობის წევრებს პრეტენზიები აქვთ ლადო მესხიშვილის თეატრის მმართველთან, სულხან გოგოლაშვილთან, რომელიც, მათი თქმით,  პირადად იყო ინიციატორი, რომ   მოსკოვის თეატრს ქუთაისში ეთამაშა.


"ეს არის უმსგავსობა რაც ხდება. ხალხის ფულით არსებობს ეს თეატრი და მის მმართველს ოკუპანტი ქვეყნის დასი ჩამოყავს. სულხან გოგოლაშვილის ქმედებები არის ყოვლად სამარცხვინო. იგი ყოველთვის წინააღმდეგობაში მოდის ჩვენთან, როცა ოკუპაციას ვაპროტესტებთ. ყველას ახსოვს ზაფხულში თეატრთან როცა ვმართავდით აქციებს, სულხან გოგოლაშვილმა ჯერ დენის წყარო არ მოგვაწოდა აპარატურისთვის, შემდეგ კი სამი დღით დაგვემალა. დანარჩენზე დასკვნები საზოგადოებამ გააკეთოს", - ამბობს მოძრაობა "რუსეთი ოკუპანტია" წვერი, ნიკა დეისაძე.


ლადო მესხიშვილის თეატრის მმართველი, სულხან გოგოლაშვილი მიიჩნევს,  რომ სამოქალქო აქტივისტების  პროტესტი პოლიტიკური აქტივობის მიზნით არის განპირობებული, კულტურულ რუსეთთან კი ბრძოლა არ შეიძლება.


"პირდაპირ გეუბნებით, -კულტურულ რუსეთთან ბრძოლა არ შეიძლება. მე არ ვებრძვი კულტურულ რუსეთს, მე ვებრძვი აგრესიულ, მილიტარისტულ და ოკუპანტ რუსეთს.  რატომ არ აპროტესტებენ როცა რეზო გაბრიაძე ჩადის მოსკოვში, როცა ნინო ქათამაძე მღერის იქ, ქართული ღვინის უდიდესი ნაწილი რომ რუსეთის ბაზარზე იყიდება ამას რატომ არ აპროტესტებენ? სინამდვილეში,   მათ უნდათ მხოლოდ პოლიტიკური აქტიურობა და მე მათ ამაში ვერ ავყვები",-ამბობს სულხან გოგოლაშვილი.


მოსკოვის თეატრი სახელწოდებით "ნიკიტინის კარიბჭესთან" სპექტაკლებს ორი დღის განმავლობაში, 19-20 ოქტომბერს  გამართავს.

Print E-mail
FaceBook Twitter



მსგავსი სიახლეები
რიონის ხეობის
10:09 / 12.04.2021
რიონის ხეობის "მცველებმა", რომლებსაც პოლიციამ სოფელ ნამოხვანში კარვები დაუშლა, პროტესტის 169-ე ღამე სოფელ გუმათში გაათენეს.


სოფელში მხოლოდ ერთი კარავი აქვთ გაშლილი, რის გამოც "მცველების" უმეტესობამ და მათმა მხარდამჭერებმა  ღამე ღია ცის ქვეშ გაატარეს.

ისინი ამბობენ, რომ  სოფელ ნამოხვანში პოლიციამ ალეტრნატიულ ადგილას კარვების  განთავსების ნება არ მისცა.

სოფელ ნამოხავნი ერთი მხრიდან პოლიციას  უკვე 3 აპრილიდან აქვს გადაკეტილი და თავიანთი საგუშაგო აქვთ გახსნილი, ხოლო მეორე მხრიდან, რიონის ხეობის მკვიდრებს ქუთაისი-ალპანა-მამისონის გზა ავტომობილებით აქვთ ჩახერგილი.

მოძრაობა „რიონის ხეობის გადარჩენისთვის“ მოქალაქეებს 12 აპრილს, დილიდან გუმათში შეკრებისკენ მოუწოდებს.

"ველოდებით ხალხის მობილიზებას, რაც შეიძლება მეტი ადამიანი უნდა მოვიდეს. იმიტომ რომ ადამიანების რაოდენობა  გადამწყვეტია ასეთ შემთხვევებში", - ამბობენ ხეობის "მცველები".

რიონის ხეობაში 11 აპრილი ერთ-ერთი დაძაბული დღე აღმოჩნდა. "მცველების" ნების საწინააღმდეგოდ პოლიციამ კარვები დაშალა. ასევე, შეუზღუდეს როგორც ადგილობრივებს ასევე, ჟურნალისტებსაც სოფელ ნამოხვანში გადაადგილების უფლება.

ხეობაში  ვითარება 3 აპრილს მას შემდეგ დაიძაბა, რაც "ენკას" ახალი დირექტორი პოლიციასთან ერთად მივიდა. სწორედ მას შემდეგ განახლდა  გიგანტური ჰესების სამშენებლო სამუშაოები. 3 აპრილიდან  განთავსდა ე.წ. პოლიციის ბლოგ პოსტი სოფელ გუმათთან, სადაც არავის უშვებენ.

გზა გადაკეტილია რკინის ჯებირებით და პოლიციელები ამოწმებენ როგორც კერძო, მსუბუქ ავტომანქანებს, ასევე სამგზავრო მიკროავტობუსებს.

ადგილობრივების ინფორმაციით, სამართალდამცველები გადაადგილების საშუალებას არ აძლევენ იმ პირებს, რომლებიც შესაძლოა, ხეობის მცველ აქტივისტებს შეუერთდნენ.

„ნამახვანჰესის“ მშენებლობის წინააღმდეგ სოფელ ნამოხვანში 168 დღეა კარვებია გაშლილი. აქტივისტებმა ერთი კვირის წინ, მას შემდეგ, რაც პოლიციამ ნამოხვანისკენ გადაადგილება შეზღუდა, კარავი გაშალეს სოფელ გუმათშიც. სოფელ ნამოხვანში ჰესის მშენებლობის მოსამზადებელი სამუშაოები 3 აპრილს, ხეობაში მშენებელი კომპანია „ენკას“ ახალი დირექტორის მერაბ ლომინაძის ჩასვლის შემდეგ განახლდა.
რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.
გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.

ამავე თემაზე:

მდინარე რიონში მესამე დღეა ახალგაზრდა მამაკაცს
ეძებენ, რომელიც 10 აპრილს მდინარეში გადახტა.
09:17 / 12.04.2021
მდინარე რიონში მესამე დღეა ახალგაზრდა მამაკაცს ეძებენ, რომელიც 10 აპრილს მდინარეში გადახტა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.