ახალი ამბები
ტყიბულის შახტიდან "საქნახშირი" გადის
FaceBook

ტყიბულის შახტიდან საქნახშირი "ჯი აი ჯი ჯგუფი " გადის.


მის ნაცვალად, ახალი კომპანია "სტილ ინტერნეიშენალ ტრეიტ კომპანია " შემოდის, რომელსაც ეკონომიკის მინისტრის თქმით,  უკრაინაში, მოლდოვაში და თურქეთში შახტების მუშაობის გამოცდილება აქვს.

 

სწორედ ახლი კომპანია გასცემს იმ დავალიანებას,  რომელიც "საქნახშირს" მეშახტეების წინაშე აქვთ. ახალმა ინვესტორმა  შახტებში არსებული მდგომარეობა უნდა   შეისწავლოს, რისთვისაც ერთთვიანი ვადა აქვს.

გადასცემს თუ არა  "საქნახშირი"კომპანიის სრულ წილს  ახალ პარტნიორს, ჯერჯერობით უცნობია. "საქნახშირის" დირექტორი, ჯამბულ ჯაყელი ამბობს, რომ ამ საკითხზე მოლაპარაკებები მიმდინარეობს.

"სავარაუდოდ, კომპანია მთლიანად გავა. თუ რა ფორმით ან რა ფასად მოხდება გასხვისება,  ახლა დგინდება ", _ განაცხადა ჯამბულ ჯაყელმა.


ტყიბულის შახტიდან "საქნახშირის" გასვლის შესახებ ინფორმაცია დღეს გახდა ცნობილი, მას შემდეგ, რაც ეკონომიკის მინისტრი,  ტყიბულში,  გაფიცულ მეშახტეებსა და შახტის მმართველ კომპანიას შორის მოლაპარაკების მიზნით ჩავიდა.  მეშახტეებთან ორსაათიანი შეხვედრა კონკრეტული შეთანხმებით დასრულდა. მეშახტეებმა  დაპირება მიიღეს, რომ სახელფასო დავალიანების გასტუმრება ორშაბათიდან დაიწყება, ხოლო შახტებში ნახშირის მოპოვების პროცესი სრულყოფილად ნოემბრიდან აღდგება.

ტყიბულში აქცია 24 სექტემბერს დაიწყო. გაფიცული მეშახტეები ხელფასს ითხოვენ, რომელსაც შახტის 1000-მდე თანამშრომელი ელოდება. პროტესტის ნიშნად მეშახტების ნაწილი შახტში  ჩავიდა.



50-მა მეშახტემ შიმშილობა დაიწყო, ხოლო დანარჩენი  ტყიბულის მერიის ადმინისტრაციული შენობის წინ იყო შეკრებილი.

კომპანია "საქნახშირის" დირექტორი ჯამბულ ჯაყელი 24 სექტემბერს შახტში გაფიცულ თანამშრომლებს შეხვდა, თუმცა,  ერთსაათიანი შეხვედრა უშედეგოდ დასრულდა.

შახტის თანამშრომლები შეხვედრით უკმაყოფილო არიან და აცხადებენ, რომ კომპანიის წარმომადგენლებისგან კონკრეტული პასუხები ვერ მიიღეს.

ტყიბულში გაფიცულმა მეშახტეებმა გუშინვე პრემიერ-მინისტრს სამ პუნქტიანი მიმართვა გაუგზავნეს.

მიმართვის ტექსტში აქციის მინაწილეები გიორგი გახარიას შახტში დასაქმებულთა მძიმე ეკონომიკურ მდგომარეობაზე აწვდიან ინფორმაციას და სასწრაფო რეაგირებისჯენ მოუწოდებენ. მეშახტეები მთავრობის მეთაურს მოთხოვნების არდაკმაყოფილების შემთხვევაში პროტესტის რადიკალური ფორმების გამოყენების შესახებაც აფრთხილებენ.

კომპანია "საქნახშირს" თანამშრომლების წინაშე ერთ მილიონ ლარამდე დავალიანება აქვს.




ამავე თემაზე:


გაფიცული მეშახტეებისა და "საქნახშირის" წარმომადგენლების შეხვედრა უშედეგოდ დასრულდა

მეშახტეების სამ პუნქტიანი მიმართვა და გაფრთხილება პრემიერ-მინისტრს

"სოლიდარობა მეშახტეებს" - საპროტესტო მსვლელობა ტყიბულში (ვიდეო)
Print E-mail
FaceBook Twitter
მსგავსი სიახლეები
ქუთაისი–სამტრედიის გზაზე, 
აეროპორტთან ახლოს, ავტომანქანა გზის გამყოფ ბეტონის ჯებირს
შეეჯახა.
13:35 / 19.01.2020

ქუთაისი–სამტრედიის გზაზე,  აეროპორტთან ახლოს, ავტომანქანა გზის გამყოფ ბეტონის ჯებირს შეეჯახა.

ქართველი სპორტსმენები
იმერეთიდან, ლაშა ტალახაძე და ბექა ლომთაძე,  2019 წლის
საუკეთესო სპორტსმენები გახდნენ.
12:13 / 19.01.2020

ქართველი სპორტსმენები იმერეთიდან, ლაშა ტალახაძე და ბექა ლომთაძე,  2019 წლის საუკეთესო სპორტსმენები გახდნენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.