პოლიტიკა
„სპექტაკლი ადამიანის მეტამორფოზაზეა“- მესხიშვილის თეატრში პრემიერისთვის ემზადებიან
FaceBook

მესხიშვილის თეატრში პრემიერისთვის ემზადებიან.


27 სექტემბერს წარმოდგენილი იქნება ჯონ პატრიკის „ძვირფასი პამელა“ ორმოქმედებიანი სპექტაკლი,  რომლის დადგმას თეატრის სამხატვრო ხელმძღვანელი კოტე აბაშიძე განახორციელებს.

 

„ძვირფასი პამელა“ კომედიაა, თუმცა სპექტაკლის რეჟისორი თვლის, რომ  ამ სპექტაკლში პრაქტიკულად ყველა ჟანრი იყრის თავს და მაყურებელი ვერც ერთ ჟანრს ვერ მოისაკლისებს.


„სპექტაკლში გაერთიანებულია თითქმის ყველა ჟანრი: დრამა, ტრაგედია, მელოდრამა, ზღაპარი, დეტექტივი, შესაბამისად ამის  დადგმაც და თამაშიც არის რთული და პასუხისმგებლობას, ნიჭს და სხვა ენერგეტიკას მოითხოვს, თუ ეს ყველაფერი შედგა, ღირებული მხატვრული ნაწარმოები იქნება. ამიტომ „პამელაზე“ მუშაობა რამდენადაც რთულია,  იმდენად საპატიოა“, - ამბობს სპექტაკლის რეჟისორი.


სპექტაკლის ავტორების თქმით „პამელა“ ბიბლიურ და მარადიულ  თემებს ეხმიანება და ამით თანამედროვე ქართული საზოგადოებისთვის მნიშვნელოვან სათქმელს აჟღერებს.

„ბიბლიური ფასეულობებით არის დატვირთული პიესა. მოყვასის სიყვარული მისთვის თავგანწირვა, ადამიანების მეტამორფოზაა, რომელიც ნებისმიერ ასაკსა და მდგომარეობაშია შესაძლებელი,  რადგან არ არსებობს ბოლომდე ბოროტი ადამიანი და ა.შ. სპექტაკლი სწორედ ამაზეა. მასში საუბარია ბევრ იმ  ბიბლიური ფასეულობაზე,  რომელიც სამწუხაროდ ასე გვაკლია დღევანდელ საზოგადოებას“, - ამბობს კოტე აბაშიძე.


27 სექტემბერს, 19:00 საათზე  პრემიერასთან ერთად გაიხსნება ახალი თეატრალური სეზონიც.

სეზონთან და თეატრის ასაკთან დაკავშირებით კოტე აბაშიძეს  შესწორება შეაქვს და აღიშნავს, რომ თეატრი ხსნის თავის არა 135-ე სეზონს, არამედ - 157-ეს.

„სანამ ოფიციალურად დაფუძნდებოდა  ქუთაისის თეატრი,  მანამდე 22 წელი არსებობდა. მეფის რუსეთს ბოლოსდაბოლოს მოუწია და იძულებული გახდა ეღიარებინა თეატრი, როგორც იურიდიული ინსტიტუცია.  ამას წინ უძღოდა მამულიშვილთა და ხელოვანთა მოღვაწეობა და ბრძოლა, რამაც იძულებული გახადა მეფის რუსეთი დათმობაზე წასულიყო და ოფიციალურად ეღიარებინა ქუთაისის თეატრი. ამიტომ,  მესხიშვილის თეატრში არა 135-ე სეზონი, არამედ  157-ე სეზონი გაიხსნა“, - აღნიშნა კოტე აბაშიძემ.


თეატრის სამხატვრო ხელმძღვანელის თქმით,  თეატრში შვიდ სპექტაკლზე მუშაობენ.  გეგმავენ ოთხ საგასტროლო გასვლას და ელოდებიან ორ სტუმარ თეატრს უცხოეთიდან.


Print E-mail
FaceBook Twitter
მსგავსი სიახლეები
პრემიერ-მინისტრმა გიორგი გახარიამ დღეს
ქუთაისის შემოვლითი გზის ერთ-ერთი მონაკვეთი გახსნა.
11:34 / 03.07.2020
პრემიერ-მინისტრმა გიორგი გახარიამ დღეს ქუთაისის შემოვლითი გზის ერთ-ერთი მონაკვეთი გახსნა.
პარლამენტმა
09:13 / 03.07.2020
პარლამენტმა "საარჩევნო კოდექსში" შესატანი ცვლილებების პროექტი მესამე მოსმენით (94 მომხრე, ერთი წინააღმდეგი ) დაამტკიცა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.