პოლიტიკა
"თუ საჭირო იქნება კარვებსაც ჩამოვიტანთ " - გაფიცულ მეშახტეებს ჭიათურელი მაღაროელებიც შეუერთდნენ
FaceBook

ტყიბულში მიმდინარე მეშახტეების აქციას ჭიათურელი მაღაროელებიც შეუერთდნენ.


"ვიცით, რა მდგომარეობაშიც ხართ, ჩვენ თითქმის ერთნაირი სამუშაო და ერთი გასაჭირი გვაქვს. ამიტომ,  ჩვენ ყველაზე მეტად ვიცით ძმობა და მეგობრობა. კარგად გახსოვთ ჩვენი გამოსვლები. მოსახლეობის ერთობამ შედეგი გამოიღო. ამიტომ, მოგიწოდებთ ყველას ერთიანობისკენ. ჩვენი სოლიდარობა თქვენ. თუ საჭირო იქნება კარვებსაც ჩამოვიტანთ და აქ ვიქნებით თქვენთან ერთად",- განაცხადა გიორგი ნეფარიძემ, რომელიც ჭიათურის მაღაროში მუშაობს.

ტყიბულში საპროტესტო აქციას სოლიდარობის ნიშნად ზესტაფონის ფეროშენადნობი ქარხნის თანამშრომლებიც შეუერთდებიან.


ტყიბულში, 24 სექტემბერს დაწყებული საპროტესტო აქცია დღეს დილიდან განახლდა. გაფიცული მეშახტეები ხელფასს ითხოვენ, რომელსაც შახტის 1000-მდე თანამშრომელი ელოდება. პროტესტის ნიშნად მეშახტების ნაწილი შახტში  ჩავიდა.


50-მა მეშახტემ შიმშილობა დაიწყო, ხოლო დანარჩენი  ტყიბულის მერიის ადმინისტრაციული შენობის წინ იყო შეკრებილი.

კომპანია "საქნახშირის" დირექტორი ჯამბულ ჯაყელი 24 სექტემბერს შახტში გაფიცულ თანამშრომლებს შეხვდა, თუმცა,  ერთსაათიანი შეხვედრა უშედეგოდ დასრულდა.

შახტის თანამშრომლები შეხვედრით უკმაყოფილო არიან და აცხადებენ, რომ კომპანიის წარმომადგენლებისგან კონკრეტული პასუხები ვერ მიიღეს.

ტყიბულში გაფიცულმა მეშახტეებმა გუშინვე პრემიერ-მინისტრს სამ პუნქტიანი მიმართვა გაუგზავნეს.

მიმართვის ტექსტში აქციის მინაწილეები გიორგი გახარიას შახტში დასაქმებულთა მძიმე ეკონომიკურ მდგომარეობაზე აწვდიან ინფორმაციას და სასწრაფო რეაგირებისკენ მოუწოდებენ. მეშახტეები მთავრობის მეთაურს მოთხოვნების არდაკმაყოფილების შემთხვევაში პროტესტის რადიკალური ფორმების გამოყენების შესახებაც აფრთხილებენ.


კომპანია "საქნახშირს" თანამშრომლების წინაშე ერთ მილიონ ლარამდე დავალიანება აქვს.

კომპანია "საქნახშირის" გენერალური დირექტორი ჯამბულ ჯაყელი აცხადებს, რომ ტყიბულის შახტისა და დასაქმებულთა ხელფასების რეგულაციის საკითხის გადაწყვეტა პარალელურ რეჟიმში მიმდინარეობს.

 

"ხვალ არის სამთავრობო სხდომა, სადაც ხელფასების რეგულაციის საკითხი გადაწყდება. თუ ეს საკითხი გადაწყდა, პარასკევიდან დაიწყება ხელფასების გაცემა," - აცხადებს ჯაყელი.


ამავე თემაზე:

პროტესტის მეორე დღე ტყიბულში (ფოტო)

გაფიცული მეშახტეებისა და "საქნახშირის" წარმომადგენლების შეხვედრა უშედეგოდ დასრულდა

მეშახტეების სამ პუნქტიანი მიმართვა და გაფრთხილება პრემიერ-მინისტრს

"სოლიდარობა მეშახტეებს" - საპროტესტო მსვლელობა ტყიბულში (ვიდეო)
Print E-mail
FaceBook Twitter
მსგავსი სიახლეები
ნიკა ლატარია, რომელმაც მიმდინარე წლის
დასაწყისში საკრებულოს თავმჯდომარის პოსტი დატოვა, დეპუტატის მანდატზეც
უარს ამბობს.
17:46 / 07.07.2020
ნიკა ლატარია, რომელმაც მიმდინარე წლის დასაწყისში საკრებულოს თავმჯდომარის პოსტი დატოვა, დეპუტატის მანდატზეც უარს ამბობს.
ქუთაისიპოსტის ინფორმაციით,
14:34 / 04.06.2020
ქუთაისიპოსტის ინფორმაციით, "ქართული ოცნების" ქუთაისის ორგანიზაციის ხელმძღვანელად  მერის მოადგილე იუზა უგულავა დაინიშნა. ინფორმაციას  პარტიის ცენტრალურ ოფისში არც უარყოფენ და არც ადასტურებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.