ახალი ამბები
ქუთაისის ტექნოლოგიური უნივერსიტეტისთვის სახელის გადარქმევაზე პარლამენტში იმსჯელებენ
FaceBook

ქუთაისის ტექნოლოგიური უნივერსიტეტი სსიპ  ქუთაისის საერთაშორისო უნივერსიტეტად ჩამოყალიბდება.


ცვლილება საპარლამენტო დონეზე დარეგისტრირდება. სახელის შეცვლის შესახებ მთავრობამ პარლამენტს  უკვე მიმართა.

ცვილებათა პაკეტის  ინიცირება 23 სექტემბრის ბიუროს სხდომაზე იგეგმება.

კანონპროექტის მიხედვით, უნივერსიტეტის მშენებლობის მიზანია ქვეყანაში  თანამედროვე სამეცნიერო თეორიული და ექსპერიმენტული ბაზის შექმნა, სასწავლო-კვლევითი პროგრამების განვითარება,  მაღალკვალიფიციური სამეცნიერო კადრების მომზადება და ეკონომიკის განვითარების ხელშეწყობა.

უნივერსიტეტი სამი ძირითადი ორგანოს მიერ  იქნება მართული,  ესენი:  აღმასრულებელი დირექტორი, საერთაშორისო მრჩეველთა საბჭო და სამეცნიერო საბჭო.  აღმასრულებელი დირექტორი ვალდებული იქნება, წელიწადში ერთხელ, საქართველოს მთავრობას წარუდგინოს ანგარიში უნივერსიტეტის მიერ განხორციელებული საქმიანობის თაობაზე.

კანონპროექტის მიხედვით, უნივერსიტეტის  დაფინანსების წყარო (არ იგულისხმება მშენებლობის ხარჯები), იქნება სახელმწიფო ბიუჯეტი,  სამუშაოს შესრულებით მიღებული შემოსავალი, გრანტები,  შემოწირულებები და საქართველოს კანონმდებლობით ნებადართული სხვა შემოსავლები.

ქუთაისის ტექნოლოგიური უნივერსიტეტისთვის სახელის გადარქმევას ქალაქისთვის საგანამანათლებლო სტატუსის წართმევად აფასებს ოპოზიცია. „ნაციონალური მოძრაობის“ ქუთაისის ორგანიზაციის წევრი, გიგა შუშანია ამბობს, რომ   მმართველი პარტიის თავმჯდომარემ, ბიძინა ივანიშვილმა კიდევ ერთხელ მოატყუა ქუთაისი, როცა პარლამენტის ნაცვლად 60 000 სტუდენტზე გათვლილი უნივერსიტეტის მშენებლობას დაჰპირდა.

„ეს ადასტურებს იმ აზრს, რომ ივანიშვილის დაპირებამ, ქუთაისში პარლამენტის და მთავრობის სახლის ნაცვლად, 60 ათასზე გათვლილი სტუდენტური ქალაქი გაშენდებოდა და ქუთაისს მიენიჭებოდა საუნივერსიტეტო ქალაქის სტატუსი, ჩაილულის წყალი დალია. სანაცვლოდ მივიღეთ ერთი რიგითი უნივერსიტეტი, რომელიც 2020 წელს მხოლოდ 1000 სტუდენტს მიიღებს. ქუთაისი ივანიშვილის მორიგი აფიორის მსხვერპლი გახდა! ქუთაისი უკვე არც საპარლენტო და აღარც საუნივერსიტეტო ქალაქი იქნება! უბრალოდ უჭირს 2020-ში და გადაწყვიტა ცოტა ფული გაისროლოს ხალხის ხელახლა "დასაბოლებლად", - წერს გიგა შუშანია სოციალურ ქსელში.

ქუთაისში მშენებარე უნივერსიტეტის პრეზენტაცია 18 სექტემბერს,  თბილისში გაიმართა. განათლების მინისტრი ფონდ "ქართუს" ხელმძღვანელებთან ერთად ქუთაისს მხოლოდ ამის შემდეგ ეწვია. 


როგორც პრეზენტაციზე ითქვა, პროექტის ავტორების თქმით, სტუდენტთა პირველი ნაკადი უმაღლესმა სასწავლებელმა  2020 წელს უნდა მიიღოს. ქუთაისის საერთაშორისო უნივერსიტეტის მოდელი შემუშავებულია  მიუნხენის  ტექნიკურ უნივერსიტეტთან  თანამშრომლობით. უნივერსიტეტში სწავლება ინგლისურ ენაზე წარიმართება.

FaceBook Twitter
მსგავსი სიახლეები
ლენტეხის ცენტრში,
შადრევანი,  რომელზეც ჯიხვებთან ერთად ნადირობის ქალღმერთი
დალი  უნდა გამოესახათ, მის გარეშე გაიხსნა.
17:53 / 21.10.2019

ლენტეხის ცენტრში, შადრევანი,  რომელზეც ჯიხვებთან ერთად ნადირობის ქალღმერთი დალი  უნდა გამოესახათ, მის გარეშე გაიხსნა.

ცაგერის მუნიციპალიტეტის სოფელ
ტვიშში ადგილობრივებმა აქცია გამართეს.
16:16 / 21.10.2019
ცაგერის მუნიციპალიტეტის სოფელ ტვიშში ადგილობრივებმა აქცია გამართეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ლენტეხის ცენტრში, შადრევანი,  რომელზეც ჯიხვებთან ერთად ნადირობის ქალღმერთი დალი  უნდა გამოესახათ, მის გარეშე გაიხსნა.
ვეძებთ ძიძას ქუთაისში.
ქუთაისის მერიამ ბოლო სამი წლის განმავლობაში ტენდერის გზით გამარჯვებულ  13 კომპანიას ხელშეკრულება შეუწყვიტა.
ცაგერის მუნიციპალიტეტის სოფელ ტვიშში ადგილობრივებმა აქცია გამართეს.
ეროვნულ ლიგაში  გუნდის გარეშე დარჩენილი საფეხბურთო კლუბი  „ტორპედო“ უმძიმეს ვითარებაში იმყოფება. კლუბი ყველა წამყვანმა ფეხბურთელმა დროებით დატოვა და ფინანსური კრიზისის პირობებში მოედანზე გასვლას არ აპირებს.
წერეთლის უნივერსიტეტის სტუდენტები,  ატოცში მიმდინარე პროცესებს ქუთაისში, ლადო მესხიშვილის სახელობის თეატრთან გააპროტესტებენ.
ხონის ისტორიულ მუზეუმში თანამედროვე ხელოვნების გამოფენა გაიმართა.
გარემოს ეროვნული სააგენტოს ინფორმაციით, კვირის განმავლობაში თბილი და უნალექო ამინდია მოსალოდნელი.