ახალი ამბები
„თიბისი“ ბანკის წინ მოჭრილი ნაძვების ადგილზე ავტოსადგომი მოაწყვეს
FaceBook

ქუთაისში, „თიბისი“ ბანკის წინ, სადაც ორი თვის წინ ნაძვები მოჭრეს, მანქანების სადგომი მოეწყო.


მაშინ როდესაც, ქუთაისის მერიაში ირწმუნებოდნენ, რომ ხეების მოჭრას არაფერი ჰქონდა საერთო პარკირების გაფართოებასთან, ფაქტია,  მრავალწლოვანი ნაძვების ადგილზე ახლა ავტომანქანები დგას.

მერიამ არც ახალი ნერგების დარგვის დაპირება შეასრულა.  პირიქით, ხეების ადგილი მოაბეტონეს, სადაც ავტომანქანებს ბანკის თანამშრომლები და მომხმარებლები აჩერებენ.

ამჯერად ქუთაისის მერიაში განაცხადეს, რომ ნერგებს დარგავენ, თუმცა, არა მოჭრილი ხეების ადგილზე, არამედ, ბანკის მიმდებარე ტერიტორიაზე არსებულ სკვერში. 

"გადავწყვიტეთ, მიმდებარედ არსებულ სკვერში დავრგოთ ორი ნაძვი. ეს მოხდება  ოქტომბრის თვეში, როცა არის ამის სეზონი. ის ხეები ნამდილად მოიჭრა იმიტომ, რომ იყო დაზიანებული და საფრთხეს წარმოადგენდა როგორც ადამიანებისთვის, ასევე, იქ მდგომი ავტომანქანებისთვის", - განაცხადა ქუთაისის მერიის ეკოლოგიისა და მყარი ნარჩენების განყოფილების უფროსმა, არჩილ ტყაბლაძემ. 


"თიბისი" ბანკის წინ არსებული პარკირების ადგილი ქუთაისის მერიის საკუთრებაშია. ხეების მოჭრის მოთხოვნით  მერიას ბანკის ადმინისტრაციამ მიმართა და მათი დაზიანების შესახებ აცნობა, თუმცა, ადგილობრივები ეჭვობდნენ, რომ ხეები განზრახ გაახმეს, რათა  საპარკინგე ადგილის  გაფართოება მერიისა და ბანკის ორმხრივ ინტერესში შედიოდა.  
ასე გამოიყურებოდა ტერიტორია "თიბისი" ბანკის წინ ნაძვების მოჭრის შემდეგ. 


"თიბისი" ბანკში მომხდარზე განმარტება ჯერჯერობით არ გაუკეთებიათ. გვითხრეს, რომ ბანკის წარმომადგენელი თავად დაგვიკავშირდება.


ამავე თემაზე:

"თიბისი" ბანკის წინ მოჭრილი ხეების ადგილს ავტოსადგომად იყენებენ

Print E-mail
FaceBook Twitter
მსგავსი სიახლეები
გიორგი გახარიამ ქუთაისში, ტურიზმის სფეროს
წარმომადგენლებთან შეხვედრაზე ტურისტული სეზონის ამუშავებასთან ერთად,
სექტორში დასაქმებულებისთვის ხარჯების მოსალოდნელ გაზრდაზე
ისაუბრა.
17:31 / 05.06.2020
გიორგი გახარიამ ქუთაისში, ტურიზმის სფეროს წარმომადგენლებთან შეხვედრაზე ტურისტული სეზონის ამუშავებასთან ერთად, სექტორში დასაქმებულებისთვის ხარჯების მოსალოდნელ გაზრდაზე ისაუბრა.

პრემიერ-მინისტრმა გიორგი გახარიამ,  ქუთაისში პარლამენტის
შენობის ფუნქციასთან დაკავშირებით განმარტება გააკეთა. მისი თქმით,
ასეთ ვითარებაში საუკეთესო გამოსავალი მისი ტენდერზე
გატანაა.
17:13 / 05.06.2020

პრემიერ-მინისტრმა გიორგი გახარიამ,  ქუთაისში პარლამენტის შენობის ფუნქციასთან დაკავშირებით განმარტება გააკეთა. მისი თქმით, ასეთ ვითარებაში საუკეთესო გამოსავალი მისი ტენდერზე გატანაა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.