ახალი ამბები
ქუთაისის საერთაშორისო უნივერსიტეტის პრეზენტაცია თბილისში გაიმართა (ვიდეო)
FaceBook

თბილისში,  ქუთაისის საერთაშორისო უნივერსიტეტი (ტექნოლოგიური  უნივერსიტეტი) ოფიციალურად დაფუძნდა.


პრეზენტაციას საქართველოს პრეზიდენტი  სალომე ზურაბიშვილი, მმართველი პარტიის თავმჯდომარე ბიძინა ივანიშვილი, პრემიერ-მინისტრი, თბილისის მერი  და აღმასრულებელი ხელისუფლების წარმომადგენლები ესწრებიან. პრეზენტაციაზე იმყოფება ქუთაისის მერიც.


"დღეს, ჩვენ ვზეიმობთ მსოფლიო მნიშვნელობის უნივერსიტეტის დაფუძნებას. ბატონი ბიძინა ივანიშვილი, მისი ოჯახი, ფონდი „ქართუ“ არიან ქუთაისის საერთაშორისო უნივერსიტეტის დაფუძნების სულისჩამდგმელები, ამ იდეის შემქმნელები. შედეგად, საქართველოში ჩვენ გვაქვს ჭეშმარიტად ევროპული, მსოფლიო სტანადრატის მქონე უნივერსიტეტი. ეს არის უდიდესი საჩუქარი ჩვენი სტუდენტებისთვის", - განაცხადა პრემიერის მრჩეველმა  განათლების დარგში, მიხეილ ჩხენკელმა.


როგორც პრეზენტაციაზე ითქვა, უნივერსიტეტი   პირველ ნაკადს    2020 წლის შემოდგომაზე მიიღებს.  თავდაპირველად სტუდენტებს სამი საგნის არჩევა შეეძლებათ. ესენია:  მათემატიკა, კომპიუტერული მეცნიერება  და საგანმანათლებლო პროგრამები.   სამივე მიმართულებით სწავლა  ინგლისურ  ენაზე იწარმოებს.


უნივერსიტეტის მომავალი რექტორის, ალექსანდრე თევზაძის თქმით, მომდევნო წლებში   მოხდება როგორც სამაგისტრო და სადოქტორო პროგრამების დამატება, ასევე, სპეციალობების სპექტრის გაფართოება.

"2021-2022 წლებში დაემატება საბუნებისმეტყველო მეცნიერებები: ფიზიკა, ქიმია, ბიოლოგია, 2022-2023 წლებში  საინჟინრო,  ხოლო, 2023-2024 წელს ჰუმანიტარული მეცნიერებები  და მედიცინა“, - განაცხადა ალექსანდრე თევზაძემ.

პრეზენტაციაზე უნივერსიტეტის საპატიო პრეზიდენტად აირჩიეს მიუნხენის ტექნოლოგიური უნივერსიტეტის პროფესორი, ვოლფგანგ ჰერმანი. 

პრეზენტაციის შემდეგ ხელი მოეწერა ურთიერთთანამშრომლობის მემორანდუმს ქუთაისის საერთაშორისო უნივერისტეტსა და გერმანიის იულიზის კვლევით ცენტრს შორის.


პრეზენტაციამდე უნივერსიტეტის ადმინისტრაციამ მიმდინარე სამუშაოებისა და უნივერსიტეტის საბოლოო იერსახის ამსახველი ფოტოები გაავრცელა, სადაც უნივერსიტეტის განაშენიანების მასშტაბები პირვანდელი ესკიზისგან განსხვავებულია.

როგორი იყო ტექნოლოგიური უნივერსიტეტის მაკეტი, ნახეთ აქ:
Print E-mail
FaceBook Twitter
მსგავსი სიახლეები
გიორგი გახარიამ ქუთაისში, ტურიზმის სფეროს
წარმომადგენლებთან შეხვედრაზე ტურისტული სეზონის ამუშავებასთან ერთად,
სექტორში დასაქმებულებისთვის ხარჯების მოსალოდნელ გაზრდაზე
ისაუბრა.
17:31 / 05.06.2020
გიორგი გახარიამ ქუთაისში, ტურიზმის სფეროს წარმომადგენლებთან შეხვედრაზე ტურისტული სეზონის ამუშავებასთან ერთად, სექტორში დასაქმებულებისთვის ხარჯების მოსალოდნელ გაზრდაზე ისაუბრა.

პრემიერ-მინისტრმა გიორგი გახარიამ,  ქუთაისში პარლამენტის
შენობის ფუნქციასთან დაკავშირებით განმარტება გააკეთა. მისი თქმით,
ასეთ ვითარებაში საუკეთესო გამოსავალი მისი ტენდერზე
გატანაა.
17:13 / 05.06.2020

პრემიერ-მინისტრმა გიორგი გახარიამ,  ქუთაისში პარლამენტის შენობის ფუნქციასთან დაკავშირებით განმარტება გააკეთა. მისი თქმით, ასეთ ვითარებაში საუკეთესო გამოსავალი მისი ტენდერზე გატანაა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.