ახალი ამბები
„ტორპედომ“, პრობლემებზე სასაუბროდ მედიასთან დაგეგმილი შეხვედრა გადადო
FaceBook

„ტორპედომ“ კლუბში არსებულ პრობელმებზე სასაუბროდ მედიასთან 14 სექტემბერს დაგეგმილი შეხვედრა გააუქმა.

კლუბის ადმინისტრაცია ფეისბუქის ოფიცილურ გვერდზე წერს, რომ ფეხბურთელებმა გადაწყვიტეს განცხადება  16 სექტემბერს, „საბურთალოსთან“ მატჩის შემდეგ გააკეთონ.

 

 

„16 სექტემბერს „ტორპედოს“ სტუმრად „საბურთალოსთან“ მნიშვნელოვანი მატჩი ელის. ჩემპიონატი დასასრულს უახლოვდება, „ტორპედო“ კი, ევროტურნირებზე მოსახვედრად იბრძვის. შესაბამისად, ახლა კლუბისთვის თითოეული ქულა უძვირფასესია. ფეხბურთელებმა ამჯერადაც გაითვალისწინეს კლუბისა და გულშემატკივრის ინტერესი. თითოეული მათგანი გრძნობს განსაკუთრებულ პასუხისმგებლობას გულშემატკივრის წინაშე, რომელიც მათგან მხოლოდ წარმატებას ელის. აქედან გამომდინარე, ფეხბურთელებმა მიიღეს გადაწყვეტილება, რომ ხვალ და ზეგ გუნდი ჩვეულებრივ ივარჯიშებს, მოახლოებული მატჩისთვის სათანადოდ მოემზადება, განცხადება კი „საბურთალოსთან“ თამაშის შემდეგ გაკეთდება“, – წერია კლუბის განცხადებაში.

 

13 სექტემბერს კლუბის ადმინისტრაციამ გაავრცელა განცხადება, რომლის მიხედვითაც  14 სექტემბერს  ფეხბურთელები კლუბის ხლმძღვანელობასთან ერთად ჟურნალისტებს შეხვდებოდნენ და ყველა იმ პრობლემაზე  ისაუბრებდნენ, რაც კლუბში ფინანსური კრიზისის გამო შეიქმნა.

 

„ტორპედოში“ რამდენიმე თვეა  ფინანსური კრიზისია.  სახელფასო დავალიანების გამო, მიმდინარე წლის გაზაფხულიდან ქუთაისური კლუბი წამყვანმა ფეხბურთელებმა დატოვეს.  „ფანკლუბის“ წევრები აცხადებენ, რომ ფეხბურთელებს საკვებიც არ აქვთ.  კლუბის გულშემატკივრები,  ფინანსების მოსაძიებლად,  ფეხბურთის ფედერაციასა და ფეხბურთის განვითარების ფონდთან შუამდგომლობის ვალდებულებას ქუთაისის მერს აკისრებენ. მათი თქმით, ადგილობრივ ხელისუფლებას კლუბში არსებულ პრობლემებზე დროული რეაგირება რომ  მოეხდინა,  მდგომარეობა ასე აღარ გამწვავდებოდა.

 

 

 

 

 

 

Print E-mail
FaceBook Twitter
მსგავსი სიახლეები
ქუთაისში, პარლამენტის
შენობასთან სამოქალაქო მოძრაობა
17:55 / 21.02.2020

ქუთაისში, პარლამენტის შენობასთან სამოქალაქო მოძრაობა "დატოვე პარლამენტი ქუთაისში" აქციას აანონსებს.

საჩხერის მუნიციპალიტეტში, სოფელ
ჭალაში არასრულწლოვანმა მამა მოკლა.
17:04 / 21.02.2020

საჩხერის მუნიციპალიტეტში, სოფელ ჭალაში არასრულწლოვანმა მამა მოკლა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.